ఐపీఎల్ 17వ సీజన్ మరో మూడు రోజుల్లో.. మార్చి 22వ తేదీన ప్రారంభం కానుంది. ఇప్పటికే ఆయా జట్ల ఆటగాళ్లు ప్రాక్టీస్ మొదలుపెట్టారు. ఇక మొదటి మ్యాచ్‌లో చెన్నై సూపర్ కింగ్స్ జట్టుతో తలపడేందుకు రాయల్ ఛాలెంజర్స్ బెంగళూరు సిద్ధమవుతోంది. ఈ క్రమంలో బెంగళూరు చిన్నస్వామి స్టేడియంలో ఆటగళ్లంతా ప్రాక్టీస్ మొదలుపెట్టారు.
ఇక దాదాపు రెండు నెలల తర్వాత తిరిగి మైదానంలో అడుగుపెట్టేందుకు సిద్దమైన కోహ్లీ.. తాజాగా ఐపీఎల్-2024 సీజన్‌కు ముందు న్యూ లుక్‌లో కన్పించాడు. ఎప్పటికప్పుడు సరికొత్త హెయిర్ స్టైల్‌తో ఫ్యాన్స్ ను అకట్టుకునే విరాట్‌ కోహ్లీ.. ఇప్పుడు మరో కొత్త హెయిర్ స్టైల్‌లో దర్శనిమిచ్చాడు. ఇందుకు సంబంధించిన ఫోటోలు నెట్టింట్లా వైరల్‌గా మారాయి.