ముంబై తరఫున రంజీ ట్రోఫీ బరిలొకి దిగిన టీమిండియా కెప్టెన్ రోహిత్ శర్మ రెండు ఇన్నింగ్స్‌ల్లో దారుణంగా విఫలమయ్యాడు. తొలి ఇన్నింగ్స్‌లో 3 పరుగులు మాత్రమే చేసి వెనుదిరిగాడు. రెండో ఇన్నింగ్స్ లో 28 పరుగులు మాత్రమే చేసి క్యాచ్ ఔట్ అయ్యాడు. అయితే, రెండో ఇన్నింగ్స్ లో ముంబై టైలెండర్లు (శార్దూల్ ఠాకూర్, తనూష్ కోటియన్) కాపాడేందుకు చేసిన ప్రయత్నం ఫలించలేదు. దీంతో డిఫెండిండ్ ఛాంపియ‌న్ ముంబై జట్టు ఘోర పరాజయం పాలైంది.
205 పరుగుల విజయలక్ష్యంతో రెండో ఇన్నింగ్స్ ప్రారంభించిన జమ్మూకశ్మీర్… కేవలం ఐదు వికెట్ల నష్టంతో విజయం సాధించింది. శుభమ్ ఖజురియా (45), వివ్రాంత్ శర్మ (38), చివరకు అబీబ్ ముస్తాక్ (32) కీలక ఇన్నింగ్స్ తో అసాధ్యాన్ని సుసాధ్యం చేశారు.
ముంబై తొలి ఇన్నింగ్స్ 120
జమ్మూ కాశ్మీర్ తొలి ఇన్నింగ్స్ 206 (ముంబైపై 86 పరుగుల ఆధిక్యం)
ముంబై రెండో ఇన్నింగ్స్ 290 (జమ్మూ కాశ్మీర్ పై 204 పరుగుల ఆధిక్యం)
జమ్మూ కాశ్మీర్ రెండో ఇన్నింగ్స్ 207 (విజయం)
ఐసీసీ ఛాంపియన్స్ ట్రోఫీ 2025కి ముందు టీమిండియా కెప్టెన్ రోహిత్ శర్మ ఫామ్ కలవరపెడుతోంది. బోర్డర్ గవాస్కర్ ట్రోఫీలో రోహిత్ 5 ఇన్నింగ్స్‌ల్లో 31 పరుగులు మాత్రమే చేశాడు. రంజీ ట్రోఫీలోనూ రెండు ఇన్నింగ్స్‌ల్లో 31 పరుగులు చేశాడు. ఛాంపియన్స్ ట్రోఫీ సమయానికి రోహిత్ మళ్లీ ఫామ్‌లోకి రావాలని అభిమానులు కోరుకుంటున్నారు.
మిగిలిన మ్యాచుల్లో
- ఎలైట్ గ్రూప్ సి లోని బెంగాల్ హర్యానా త‌ల‌ప‌డ‌గా… హర్యానా జట్టు 284 పరుగుల తేడాతో విజయం సాధించింది.
హర్యానా 157 & 336
బెంగాల్ 124 & 85
- ఎలైట్ గ్రూప్ సిలోని పంజాబ్ – కర్ణాటక మ‌ధ్య జ‌ర‌గిన మ్యాచ్ లో.. కర్ణాటక జట్టు ఇన్నింగ్స్ తేడాతో విజయం సాధిచింది.
కర్ణాటక 475
పంజాబ్ 55 & 213
కర్ణాటక ఫ‌స్ట్ ఇన్నింగ్స్ లో స్మరణ్ రవిచంద్రన్ (203) డ‌బుల్ సెంచ‌రీ చెల‌రేగాడు.
పంజాబ్ కెప్టెన్ శుభ్‌మన్ గిల్ రెండో ఇన్నింగ్స్ లో సెంచ‌రీతో (102) విజృభించాడు. అయిన‌ప్ప‌టికీ ఇన్నింగ్స్ తేడాతో ఓట‌మి త‌ప్ప‌లేదు.
- ఎలైట్ గ్రూప్ బిలోని ఉత్తరాఖండ్ vs గుజరాత్ మ్యాచ్ లో గుజరాత్ ఇన్నింగ్స్ తేడాతో గెలిచింది.
గుజరాత్ 389
ఉత్తరాఖండ్ 111 & 254
గుజరాత్ తొలి ఇన్నింగ్ లో ఉర్విల్ పటేల్ (53) హాఫ్ సెంచ‌రీతో రాణించ‌గా.. మనన్ హింగ్‌రాజియల్ (116), జయమీత్ పటేల్ (121) ఇద్ద‌రూ సెంచ‌రీతో చెల‌రేగారు.
ఉత్తరాఖండ్ రెండో ఇన్నింగ్స్ లో శాశ్వత్ దంగ్వాల్ (101) విఫ‌ల ప్రయత్నం.
- ఎలైట్ గ్రూప్ డిలోని ఢిల్లీ vs సౌరాష్ట్ర జ‌ట్లు త‌ల‌ప‌డ‌గా.. సౌరాష్ట్ర 10 వికెట్ల తేడాతో గెలిచింది.
ఢిల్లీ 188 & 94
సౌరాష్ట్ర 271 & 15/0
ఢిల్లీ తొలి ఇన్నింగ్స్ లో యశ్ ధూల్ (44), కెప్టెన్ ఆయుష్ బడోని (60) రాణించారు. రిష‌బ్ పంత్ (1) విఫలమయ్యాడు.
సౌరాష్ట్ర తొలి ఇన్నింగ్స్ లో ఓపెన‌ర్, వికెట్ కీప‌ర్ హార్విక్ దేశాయ్ (93) చెల‌రేగాడు. అత‌డికి తోడు వాసవదక్ సనత్ (62) హాఫ్ సెంచ‌రీతో రాణించాడు.
ఢిల్లీ రెండో ఇన్నింగ్స్‌లో కెప్టెన్ ఆయుష్ బదోనీ (44) తప్ప మరెవరూ కనీసం 20 పరుగులు కూడా చేయలేకపోయారు.
రెండో ఇన్నింగ్స్ లో స్వ‌ల్ప టార్గెట్ తో బ‌రిలోకి దిగిన సౌరాష్ట్ర… 15/0 సాధించి ఈజీ విక్ట‌రీ సాధించింది.