అందరూ ఎంతో ఆసక్తిగా ఎదురుచూస్తున్న 2025 ఐపీఎల్‌ మెగా వేలానికి రంగం సిద్ధమైంది. రేపటి నుంచి రెండు రోజుల పాటు (24–25వ తేదీల్లో) సౌదీ అరేబియాలోని జెడ్డా నగరం వేదికగా ఇండియన్‌ ప్రీమియర్‌ లీగ్‌ మెగా వేలం జరగనుంది.
మొత్తం 574 మంది ఆటగాళ్లు వేలంలో పాల్గొంటున్నారు. వీరిలో నుంచి తమ జట్టుకు ఉపయోగపడే టాలెంటెడ్‌ ప్లేయర్స్‌ను దక్కించుకునేందుకు 10 ఐపీఎల్‌ ఫ్రాంచైజీలు మెగా ఆక్షన్‌లో పోటీపడనున్నాయి. కాగా, ఇటీవల ఫ్రాంచైజీలు కొందరూ ఆటగాళ్లను రిటెన్షన్‌ చేసుకుని మిగతా ప్లేయర్లను వేలంలోకి వదిలేశాయి.
అయితే ఫ్రాంచైజీలు వదులుకున్న స్టార్‌ ఆటగాళ్లలో రిషభ్‌ పంత్‌, శ్రేయస్‌ అయ్యర్‌, కేఎల్‌ రాహుల్‌, మహ్మద్‌ షమీ, మహ్మద్‌ సిరాజ్‌, అర్ష్‌దీప్‌ సింగ్‌, యాజువేంద్ర చాహల్‌, లివింగ్‌స్టోన్‌, డేవిడ్‌ మిల్లర్‌, జోస్‌ బట్లర్‌, రబాడా, మిచెల్‌ స్టార్క్‌ తదితరులు ఉన్నారు. ఇందులో చాలా ప్లేయర్లు బేస్‌ ప్రైజ్‌ రూ. 2 కోట్లు కాగా.. వారికి ఈసారి భారీ తలపలకడం ఖాయమనిపిస్తోంది.