భారత జట్టుతో స్వ‌దేశంలో జ‌ర‌గ‌నున్న సిరీస్ కు శ్రీలంక పేస్ బౌల‌ర్ దూరం కానున్నాడు. నెట్స్‌లో బౌలింగ్, ఫీల్డింగ్ ప్రాక్టీస్ చేస్తుండగా నువాన్ తుషారా ఎడమ చేతి వేలికి గాయమైంది. దీంతో అత‌న్ని ఆస్పత్రికి తరలించగా… స్కానింగ్ చేసిన వైద్యులు వేలు విరిగిందని తెలిపారు.
దీంతో తుషార సైతం టీ20 సిరీస్‌కు దూరం అయ్యాడ‌ని లంక జట్టు మేనేజర్ మ‌హింద హ‌లంగోడ తెలిపాడు. ఇక అత‌డి స్థానంలో దిల్షాన్ మ‌ధుశంకను జట్టులోకి తీసుకున్నారు. ఇక ఇప్పటికే గాయం కారణంగా చమీరా ఇప్పటికే టీ20 సిరీస్‌కు దూరమవగా, అత‌ని స్థానంలో అసిత ఫెర్మాండోను తీసుకున్నారు.
భారత్‌తో టీ20 సిరీస్‌కు శ్రీలంక జట్టు ఇదే..
చరిత్ అసలంక (కెప్టెన్), పాతుమ్ నిస్సాంక, కుసల్ పెరీరా, అవిష్క ఫెర్నాండో, కుశాల్ మెండిస్, దినేష్ చండిమాల్, కామిందు మెండిస్, దసున్ షనక, వానిందు హసరంగా, దునిత్ వెల్లలగే, మహేశ్ తీక్షణ, చమిందు విక్రమసింఘే, మతీషా పతిరనా, దిల్షాన్ మధుశంక, అసిత ఫెర్మాండో, బినూర ఫెర్నాండో.