ఎఫ్‌ఐహెచ్‌ హాకీ ప్రొ లీగ్ యూరోప్‌ పర్యటనలో భారత పురుషుల హాకీ జట్టుకు తొలి ఓటమి ఎదురైంది. తొలి మ్యాచ్‌లో అర్జెంటీనాపై షూటౌట్‌లో విజయం సాధించి భారత జట్టు రెండో మ్యాచ్‌లో మాత్రం బెల్జియం చేతిలో ఓటమిపాలైంది. గ‌త రాత్రి జరిగిన మ్యాచ్‌లో భారత పురుషుల జట్టు 1-4 గోల్స్‌ తేడాతో బెల్జియం చేతిలో చిత్తుగా ఓడింది.
టీమిండియా తరఫున అభిషేక్‌ (55వ) ఏకైక గోల్‌ సాధించాడు. బెల్జియం జట్టులో హెండ్రిక్స్‌ అలెగ్జాండడర్‌ రెండు గోల్స్‌తో సత్తా చాటగా డినేయర్‌ ఫెలిక్స్‌, చార్లియర్‌ సెడ్రిక్‌ చెరో గోల్‌ చేసి తమ జట్టుకు భారీ విజయాన్ని అందించారు. అంతకుముందు జరిగిన మహిళల మ్యాచ్‌లో భారత అమ్మాయిలు కూడా బెల్జియం చేతిలో ఓడిపోయారు. భారత మహిళా జట్టుకు ఇది వరుసగా రెండో పరాజయం.