ఐసీసీ టీ20 వరల్డ్కప్లో ఇవ్వాల (మంగళవారం) ఆస్ట్రేలియా, శ్రీలంక జట్లు తలపడుతున్నాయి. ఈ మ్యాచ్‌లో శ్రీలంక బ్యాటింగ్ నెమ్మదిగా సాగుతోంది. టాస్ ఓడి బ్యాటింగ్‌కు దిగిన శ్రీలంక జట్టుకు శుభారంభం దక్కలేదు. స్టార్ ఓపెనర్ కుశాల్ మెండిస్ (5)ని రెండో ఓవర్లోనే ప్యాట్ కమిన్స్ అవుట్ చేశాడు. ఆ తర్వాత క్రీజులోకి వచ్చిన ధనంజయ డిసిల్వ (26), నిసాంక (40), భానుక రాజపక్స(7), దాసున్ శనాకా (3), వనిందు హసరంగా (1) పరుగులకు అవుటయ్యారు.
అదే సమయంలో అసలంక 38, చామిక కరుణరత్నే14 పరుగులతో నెమ్మదిగా ఆడుతూ ఇన్నింగ్స్ నిర్మించేందుకు యత్నిస్తున్నారు. దీంతో ఆ జట్టు నిర్ణీత ఓవర్లలో 6 వికెట్లు కోల్పోయి.. 157 పరుగులు చేసింది. ఇందులో ఆస్ట్రేలియా బౌలర్లు హాజిల్వుడ్, కమిన్స్, స్టార్క్, అగర్, మ్యాక్స్వెల్ కు తలో వికెట్ దొరికింది. ఇక.. ఆస్ట్రేలియా టార్గెట్ 158 పరుగులుగా ఉంది..