ఐసీసీ వన్డే ప్రపంచ కప్‌లో భాగంగా రేపు (బుదవారం) ముంబై వాంఖడే స్టేడియం వేదికగా భారత్ – కివీస్ మధ్య సెమీ ఫైనల్స్ మ్యాచ్ జరగనుంది. కాగా, ఈ మ్యాచ్‌కు టీమిండియాకు క్రికెట్ అభిమానుల నుంచే గాక ఫుట్బాల్ స్టార్స్ నుంచీ కూడా మద్దతు లభిస్తోంది. ప్రముఖ ఫుట్బాల్ ప్లేయర్ థామస్ ముల్లర్ ఎక్స్ (ట్విట్టర్) ద్వారా టీమిండియాకు గుడ్‌లక్ అంటూ వీడియో ట్వీట్ చేశాడు.
ఇక అంతే కాకుండా, ఫుట్బాల్ దిగ్గజం డేవిడ్ బెక్‌హామ్ భారత్ – కివీస్ మధ్య సెమీ ఫైనల్స్ మ్యాచ్‌ను వీక్షించేందుకు ఇండియా రానున్నట్లు తెలుస్తోంది. వాంఖడేలో జరిగే మ్యాచ్‌ను భారత క్రికెట్ దిగ్గజం సచిన్ టెండూల్కర్‌తో కలిసి బెక్‌హామ్ వీక్షించనున్నట్లు సమాచారం. బుధవారం మధ్యాహ్నం 2 గంటల నుంచి భారత్, కివీస్ మధ్య మ్యాచ్ ప్రారంభం కానుంది.