అగ్రదేశాలతో స్వదేశంలో ద్వైపాక్షిక సిరీస్‌లు ఆడించాలని చూస్తున్న పాకిస్తాన్‌కు ఇంగ్లండ్‌ శుభవార్త చెప్పింది. పాకిస్తాన్‌ పర్యటనకు వస్తున్నట్లు ఇంగ్లండ్‌ క్రికెట్‌ బోర్డు వెల్లడించింది. సెప్టెంబర్‌ 20 నుంచి 7 మ్యాచ్‌ల టీ20 సిరీస్‌ ఆడనుంది. కరాచీ, లాహోర్‌ వేదికగా ఈ మ్యాచ్‌లు జరుగనున్నాయి. సెప్టెంబర్‌ 20, 22, 23, 25 తేదీల్లో కరాచీ వేదికగా తొలి 4 టీ20 మ్యాచ్‌లు, సెప్టెంబర్‌ 28, 30, అక్టోబర్‌ 2న లాహోర్‌ వేదికగా తదుపరి మూడు టీ20 మ్యాచ్‌లో ఆతిథ్య పాకిస్థాన్‌తో ఇంగ్లండ్‌ జట్టు ఆడనుంది.
టీ20 సిరీస్‌ అనంతరం ఇంగ్లండ్‌ జట్టు నేరుగా ఆస్ట్రేలియాకు చేరుకోనుంది. ఆసియాకప్‌ టోర్నీలో పాల్గొననుంది. ఆ తర్వాత డిసెంబర్‌లో మళ్లి పాక్ పర్యటనకు ఇంగ్లండ్‌ జట్టు రానుంది. మూడు టెస్టుల సిరీస్‌ ఆడనుంది. ఈ సిరీస్‌లకు సంబంధించి అటు పాకిస్తాన్‌, ఇటు ఇంగ్లండ్‌ క్రికెట్‌ బోర్డులు ధ్రువీకరించాయి. టీ20 సిరీస్‌ షెడ్యూల్‌ విడుదల కాగా, టెస్టు సిరీస్‌ షెడ్యూల్‌ ఇంకా ప్రకటించలేదు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.