- రెండో రౌండ్‌కు అల్కరాజ్‌, జన్నిక్‌ సిన్నర్‌
- మహిళల సింగిల్స్‌లో స్వియాటెక్‌ బోణి
ఆస్ట్రేలియా ఓపెన్‌లో టెన్నిస్‌ దిగ్గజం, 10-టైమ్‌ చాంపియన్‌ నొవాక్‌ జొకోవిచ్‌ తొలి రౌండ్‌లో సునాయాస విజయం సాధించాడు. వైల్డ్‌ కార్డ్‌తో ఆస్ట్రేలియా ఓపెన్‌లో ఎంట్రీ ఇచ్చిన అమెరికన్‌ క్రీడాకారుడు నిశేష్‌ బసవరెడ్డిపై 4-6, 6-3, 6-4, 6-2 తేడాతో గెలుపొందాడు.
అల్కరాజ్‌ ఘనవిజయం
2022 యూఎస్‌ ఓపెన్‌ చాంపియన్‌ కార్లోస్‌ అల్కరాజ్‌ ఆస్ట్రేలియా ఓపెన్‌లో అద్భుతంగా రాణించాడు. రోడ్‌ లావెర్‌ అరెనా మైదానంలో అలెగ్జాండర్‌ షెచెంకోతో జరిగిన తొలి మ్యాచ్‌లో 6-1, 7-5, 6-1తో ఘనవిజయం సాధించాడు. యూఎస్‌ ఓపెన్‌, ఫ్రెంచ్‌ ఓపెన్‌, వింబుల్డన్‌ టైటిల్‌ చేజిక్కించుకున్న అల్కరాజ్‌ తాజాగా యూఎస్‌ ఓపెన్‌పై కన్నేశాడు.
డిపెండింగ్‌ చాంపియన్‌ జన్నిక్‌ సిన్నర్‌ కూడా తొలి రౌండ్‌లో గెలుపొందాడు. వరల్డ్‌ నం.36 నికోలస్‌ జారీ నుంచి తీవ్ర ప్రతిఘటన ఎదురైనప్పటికీ రెండున్నర గంటలపాటు సాగిన హోరాహోరీ పోరులో 7-6(2), 7-6(5), 6-1 తేడాతో సిన్నర్‌ విజయం సాధించాడు.
అలవోకగా స్వియాటెక్‌
అటు ఉమెన్స్‌ సింగిల్స్‌ గ్రాండ్‌ స్లామ్‌లో సెకండ్‌ సీడ్‌, 9-టైమ్‌ గ్రాండ్‌ స్లామ్‌ డబుల్స్‌ చాంపియన్‌ ఇగా స్వియాటెక్‌ ఆస్ట్రేలియా ఓపెన్‌లో తొలి విజయం నమోదు చేసింది. చెక్‌ రిపబ్లిక్‌ క్రిడాకారిణి కటెరినా సినికోవాపై 6-3, 6-4 తేడాతో స్వియాటెక్‌ గెలుపొందింది.