తేపీ ఓపెన్‌లో భారత్‌కు నిరాశ ఎదురైంది. క్వార్టర్స్‌లో భారత దిగ్గజ షట్లర్‌ పారుపల్లి కశ్యప్ పరాజయం పాలయ్యాడు. టోర్నీ నుంచి నిష్క్రమించాడు. అటు మిక్స్‌డ్‌ డబుల్స్‌లో ఇషా భట్నాగర్‌- తనీషా క్రస్టోల జోడీ కూడా క్వార్టర్స్‌లోనే వెనుదిరిగింది. మహిళల డబుల్స్‌లో సైతం తనీషా – శృతిల జోడీ ఓడిపోయింది. మెన్స్‌ క్వార్టర్స్‌లో భాగంగా పారుపల్లి కశ్యప్ 12-21, 21-12, 17-21 తేడాతో మలేసియాకు చెందిన జువెన్‌ చేతిలో ఓటమిని చవిచూశాడు. తొలి రౌండ్‌లో ఓడిన కశ్యప్, రెండో రౌండ్‌లో పుంజుకుని గెలిచినా, తర్వాత మూడో రౌండ్‌లో అదే ఊపు కొనసాగించలేకపోయాడు.
దింతో జువెన్‌ విజయం సాధించి, సెమీస్‌కు చేరాడు. ఇక మిక్స్‌డ్‌ డబుల్స్‌ క్వార్టర్స్‌లో తనీషా క్రస్టో- ఇషాన్‌ భట్నాగర్‌ జోడీ 19-21, 12-21 తేడాతో మలేసియాకు చెందిన హు పాంగ్‌ రోన్‌- తో ఈవె చేతిలో ఓడింది. ఇక మహిళల డబుల్స్‌ క్వార్టర్స్‌లో తనీషా- శృతి ద్వయం 16-21, 22-20, 18-21 తేడాతో ఎన్జీ సాజ్‌ యా- సాంగ్‌హియాన్‌ (హాంకాంగ్‌) జోడీ చేతిలో పరాజయంపాలైంది. దీంతో తైపీ ఓపెన్‌ టోర్నీలో భారత్ పోరాటం ముగిసినట్లయ్యింది.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.