రాజ్‌కోట్ టెస్టులో టీమిండియా భారీ ఆధిక్యంపై క‌న్నేసింది. మూడో రోజు ఇంగ్లండ్‌ను 329 ప‌రుగుల‌కే క‌ట్ట‌డి చేసిన భార‌త్.. అనంత‌రం రెండో ఇన్నింగ్స్ ధాటిగా మొద‌లెట్టింది. అయితే.. జో రూట్ బౌలింగ్‌లో ఓపెన‌ర్ రోహిత్ శ‌ర్మ(30) ఎల్బీగా ఔట‌య్యాడు. ఆ త‌ర్వాత వ‌చ్చిన శుభ్‌మ‌న్ గిల్ , య‌శ‌స్వీ జైస్వాల్ లు జాగ్రత్త‌గా ఆడుతున్నారు. ఈ క్ర‌మంలో య‌శ‌స్వీ అర్ధ‌శ‌తకం పూర్తి చేసుకున్నాడు…. ఇందులో మూడు సిక్స్ లు,అయిదు ఫోర్లు ఉన్నాయి… ప్ర‌స్తుతం య‌శ‌స్వీ 79 , గిల్ 26 ప‌రుగుల‌తో క్రీజ్ లో ఉన్నారు.. ప్ర‌స్తుతం భార‌త్ వికెట్ న‌ష్టానికి 129 ర‌న్స్ చేసింది.
ఓవ‌ర్‌నైట్ స్కోర్ 207/ 2 తో మూడో రోజు ఇన్నింగ్స్ ఆరంభించిన ఇంగ్లండ్ 319 ప‌రుగుల‌కే ఆలౌట‌య్యింది. లంచ్ త‌ర్వాత భార‌త బౌల‌ర్లు చెల‌రేగ‌డంతో ట‌ప‌ట‌పా వికెట్లు కోల్పోయింది. పేస‌ర్ సిరాజ్ నాలుగు వికెట్ల‌తో ఇంగ్లండ్ ప‌త‌నాన్ని శాసించాడు. దాంతో, టీమిండియాకు 126 పరుగుల ఆధిక్యం ల‌భించింది.