శశిహిత్లు బీచ్‌లో జరిగిన ఇండియన్‌ ఓపెన్‌ ఆఫ్‌ సర్ఫింగ్‌లో తమిళనాడు సర్ఫర్లు పురుషుల ఓపెన్‌, మహిళల ఓపెన్‌, గ్రోమ్స్‌ బాయ్స్‌ అండర్‌-16, గ్రోమ్స్‌ గర్ల్స్‌ అండర్‌-16 విభాగాల్లో అద్భుత ప్రదర్శన చేశారు. గతేడాది పారిస్‌ ఒలింపిక్స్‌ క్వాలిఫయర్స్‌లో పాల్గొన్న అజీష్ అలీ, పురుషుల ఓపెన్‌ విభాగంలో కొత్త ఛాంపియన్గా నిలిచాడు.
టీనేజ్‌ సంచలనం కమలీ మూర్తి మహిళల ఓపెన్‌, గ్రోమ్స్‌ గర్ల్స్‌అండర్‌-16 విభాగాలు రెండింటిలోనూ విజయం సాధించి, తన టైటిల్‌లను నిలబెట్టుకోవడం ద్వారా డబుల్‌ విజయాన్ని సొంతం చేసుకుంది. మరో తమిళనాడు యువకుడు తయిన్‌ అరుణ్‌ గ్రోమ్స్‌ బాయ్స్‌ అండర్‌-16 విభాగంలో కొత్త ఛాంపియన్గా నిలిచాడు.
