త‌క్ష‌ణ‌మే క్ష‌మాప‌న చెప్పాలి
వెల్గటూర్ (జగిత్యాల జిల్లా), ఆంధ్ర‌ప్ర‌భ : జూబ్లీహిల్స్ ఉప ఎన్నికల నేపథ్యంలో జరిగిన రాష్ట్ర మంత్రుల సమావేశంలో ఎస్సీ, ఎస్టీ, మైనార్టీ(SC, ST, Minority) సంక్షేమ శాఖ మంత్రి అడ్లూరి లక్ష్మణ్ కుమార్ పై సహచర రవాణా శాఖ మంత్రి పొన్నం ప్రభాకర్(Minister Ponnam Prabhakar) చేసిన అనుచిత వ్యాఖ్యల పై వెల్గటూర్ కాంగ్రెస్ పార్టీ నాయకులు మండిపడ్డారు.
జగిత్యాల జిల్లా వెల్గటూర్ మండల కేంద్రంలో కాంగ్రెస్ పార్టీ మండల అధ్యక్షుడు శైలేందర్ రెడ్డి ఆధ్వర్యంలో పత్రికా సమావేశం ఏర్పాటు చేశారు. ఈ సమావేశంలో మండల అధ్యక్షుడు శైలేందర్ రెడ్డి(Shailender Reddy) మాట్లాడుతూ.. మంత్రి పొన్నం ప్రభాకర్ తోటి సహచర మంత్రి అడ్లూరి లక్ష్మణ్ కుమార్‌ను అవమాన పరిచే విధంగా అనుచిత వ్యాఖ్యలు చేయడం సరైన పద్ధతి కాదని ఇట్టి విషయం పై ధర్మపురి నియోజకవర్గ కాంగ్రెస్ పార్టీ పక్షాన తీవ్రంగా ఖండిస్తున్నామన్నారు.
మంత్రి అడ్లూరి లక్ష్మణ్ కుమార్(Adluri Laxman Kumar) పై అనుచిత వ్యాఖ్యలు చేస్తే సహించేది లేదని, మంత్రి పై చేసిన వ్యాఖ్యలను వెంటనే ఉపసంహరించుకోవాలని, త‌క్ష‌ణ‌మే మంత్రి పొన్నం ప్రభాకర్ బేషరతుగా క్షేమాపన చెప్పాలని డిమాండ్ చేశారు. లేని పక్షంలో జిల్లా వ్యాప్తంగా ఆందోళనలు చేపట్టడానికి వెనుకాడబోమని హెచ్చరించారు. ఈ కార్యక్రమంలో తాజా మాజీ సర్పంచ్ మెరుగు మురళి గౌడ్, మాజీ ఉప సర్పంచ్ గుండాటి సందీప్ రెడ్డి, కాంగ్రెస్ పార్టీ అధ్యక్షు రాలు అనుమాల మంజుల(Anumala Manjula), బీసీ సెల్ మండల అధ్యక్షుడు బందెల ఉదయ్ గౌడ్, నాయకులు గండ్ర శ్రీకాంత్ రావు, మెరుగు నరేష్ గౌడ్, రంగు తిరుపతి గౌడ్, గుమ్ముల వెంకటేష్, వెంకట స్వామి, గొంటి కిరీటి(Gonti Kiriti), బిళ్లకూరి తిరుపతి, ఎనగందుల నరేష్, తిరుకోవెల రత్నాకర్, పార్టీ నాయకులు కార్యకర్తలు పాల్గొన్నారు.
