- హెలికాప్టర్లు పంపండి.. ఆర్మీకి కేంద్ర మంత్రి ఫోన్‌
ఉమ్మ‌డి క‌రీంన‌గ‌ర్ బ్యూరో: తెలంగాణ (Telangana) లోని వరద స‌హాయ‌క చ‌ర్య‌ల నిమిత్తం మూడు హెలికాప్టర్లను రెడీ చేశామని కేంద్ర రక్షణ శాఖ అధికారులు తెలిపారు. అయితే కేంద్రం పంపిస్తున్న ఆర్మీ హెలికాప్ల‌ర్ల (ArmyHelicopters) రాక ఆల‌స్యంపై రక్షణ శాఖ అధికారుల‌తో కేంద్ర హోంశాఖ సహాయ మంత్రి బండి సంజయ్ కుమార్ ఫోన్‌లో మాట్లాడారు. వీలైనంత త‌ర్వ‌గా హెలికాప్ల‌ర్ల‌ను పంపించాల‌ని కోరారు.
వాతావరణం అనుకూలం లేక ఆల‌స్యం…
ఎడతెరిపిలేకుండా వర్షాలు కురుస్తుండటంతో వాతావరణం అనుకూలించక పోవడంతో బాధిత ప్రాంతాలకు చాపర్ల రాక ఆలస్యమవుతోందని కేంద్ర మంత్రి బండి సంజయ్ (Bandi Sanjay) కు అధికారులు వివ‌రించారు. ప్రత్యామ్నాయ స్టేషన్ల నుండి చాపర్లను రప్పించే పనిలో నిమగ్నమయ్యామని ప్ర‌క‌టించారు. నాందెడ్, బీదర్ స్టేషన్ల నుండి చాపర్లను పంపేందుకు ప్రయత్నిస్తున్నామని అధికారులు ప్ర‌క‌టించారు.
భారీ వర్షాలతో ఎస్సారెస్పీ (SRSP), మానేరు నదులకు విపరీతంగా వరద వస్తోందని కేంద్ర మంత్రి వారికి తెలియ‌జేశారు. వరద ముంపు ప్రాంతాల ప్రజలను సురక్షితంగా తరలించే ప్రక్రియను రాష్ట్ర ప్రభుత్వం యుద్ధ ప్రాతిపదికన తీసుకునే చర్యలకు పూర్తి సహాయ సహకారాలు అందించేందుకు ఎన్డీఆర్ఎఫ్ టీం (NDRFTeams) లు నిమగ్నమయ్యాయని తెలిపిన బండి సంజయ్ తెలిపారు.
