Sangeetha | అభివృద్ధిని చేతల్లో చూపిస్తా
పదవి కోసం రాలేదు.. ప్రజాసేవ చేసేందుకు వచ్చా
భూత్పూర్ సర్పంచ్ అభ్యర్థి సంగీత శేఖర్ గౌడ్
Sangeetha | మక్తల్, ఆంధ్రప్రభ : గ్రామాన్ని అభివృద్ధి చేస్తానని మాటలు చెప్పడమే కాదు.. చేతల్లో చేసి చూపిస్తానని.. పదవిపై ఆశతో కాకుండా ప్రజాసేవ చేయాలనే ఉద్దేశంతో పంచాయతీ ఎన్నికలలో సర్పంచ్ స్థానానికి పోటీ చేస్తున్నానని నారాయణపేట జిల్లా మక్తల్ మండలంలోని భూత్పూర్ కాంగ్రెస్ పార్టీ బలపర్చిన అభ్యర్థి సంగీత శేఖర్ గౌడ్ అన్నారు. ఈరోజు గ్రామంలో ఇంటింటి ప్రచారం చేపట్టారు. గడపగడపకూ వెళ్లి ఓటర్లను కలుసుకొని తనకు మద్దతు ఇవ్వవలసిందిగా అభ్యర్థించారు. తనను సర్పంచ్గా గెలిపిస్తే అభివృద్ధి చేసి చూపిస్తానన్నారు. ముంపు గ్రామమైన భూత్పూర్ గ్రామాన్ని పునారవాస కేంద్రంగా ఏర్పాటు చేసినందుకు కృషి చేస్తానన్నారు.
ఇప్పటికే స్థానిక ఎమ్మెల్యే మంత్రి వాకిటి శ్రీహరి నాయకత్వంలో పునరావాసం ఏర్పాటుకు అడుగులు పడుతున్నాయన్నారు. వేగంగా పునరావాస కేంద్రం ఏర్పాటు కావాలంటే కాంగ్రెస్ పార్టీ బలపరిచిన అభ్యర్థిగా బరిలో నిలిచిన తనను సర్పంచిగా గెలిపించాలని ఆమె విజ్ఞప్తి చేశారు. ప్రచారంలో మాజీ ఎంపీటీసీ కే.కురుమయ్య గౌడ్, నాయకులు భీంసేన్ రావు, రఘుపతి రెడ్డి, బత్తలయ్య, వాకిటి నాగప్ప, చిన్న బాలయ్య, భీమేష్, రాఘవేందర్ రెడ్డి, చెన్నయ్య గౌడ్, విష్ణువర్థన్ రెడ్డి, జనార్దన్ గౌడ్, చిన్న చెన్నయ్య గౌడ్, బొంబాయి నర్సింహ్మ, కుర్వ రాకేష్ తదితరులు పాల్గొన్నారు.
