Vegetarian-Salads | ఆరు సలాడ్ల లెక్కే వేర‌బ్బా.. హెల్త్ కు అదనపు బలం!
Vegetarian-Salads | ఆంధ్ర‌ప్ర‌భ, ఫీచ‌ర్ డెస్క్ ప్ర‌తినిధి : ప్రొటీన్‌ అంటే కేవలం మాంసాహార పదార్థాల్లోనే ఉంటుందని చాలామంది అనుకుంటారు. అయితే మొలకలు, శనగలు, పప్పులు, సోయాబీన్స్‌, వేరుశనగలు వంటి అనేక శాకాహార పదార్థాల్లోనూ ప్రొటీన్‌ లభిస్తుంది. వీటితో తయారు చేసే సలాడ్లలో కూరగాయలు, ఆకుకూరలు, నిమ్మరసం వంటి పదార్థాలను జోడించడం ద్వారా రుచితో పాటు పలు పోషకాలు అందుతాయి. రోజువారీ ఆహారంలో సులభంగా చేర్చుకోగల ఆరు రకాల ప్రొటీన్‌ సలాడ్ల వివరాలు ఇలా ఉన్నాయి..
- మొలకెత్తిన పెసరపప్పు సలాడ్‌.. పోషకాల ప్యాక్‌!
మొలకెత్తిన పెసరపప్పులో ప్రొటీన్‌, పీచు పదార్థాలు సమృద్ధిగా ఉంటాయి.
దీనికి దోసకాయ, ఉల్లిపాయ, టమాటా, పచ్చిమిర్చి, కొత్తిమీర జోడించవచ్చు.
నిమ్మరసం, చాట్‌ మసాలా, కొద్దిగా ఉప్పు కలిపితే రుచికరమైన సలాడ్‌ సిద్ధమవుతుంది.
ఇందులో 15 గ్రాముల ప్రొటీన్‌, అధిక పీచు, తక్కువ కేలరీలు, ఇనుము లభిస్తాయి.
కావాల్సిన పదార్థాలు : మొలకెత్తిన పెసరపప్పు, దోసకాయ, ఉల్లిపాయ, టమాటా, పచ్చిమిర్చి, కొత్తిమీర, నిమ్మరసం, చాట్‌ మసాలా, ఉప్పు.
- నల్ల శనగ సలాడ్‌.. జీర్ణక్రియకు మేలు!
ఉడికించిన నల్ల శనగను ప్రధాన పదార్థంగా తీసుకుని ఈ సలాడ్‌ను తయారు చేసుకోవచ్చు.
దీనికి దోసకాయ, ఉల్లిపాయ, టమాటా, పచ్చిమిర్చి, కొత్తిమీర కలపాలి.
నిమ్మరసం, ఆమ్‌చూర్‌ పొడి, ఉప్పు జోడిస్తే రుచి మరింత పెరుగుతుంది.
ఇందులో 16 గ్రాముల ప్రొటీన్‌, అధిక పీచు, ఇనుము లభిస్తాయి. జీర్ణక్రియకు కూడా ఇది సహాయపడుతుంది.
కావాల్సిన పదార్థాలు : ఉడికించిన నల్ల శనగ, దోసకాయ, ఉల్లిపాయ, టమాటా, ఆమ్‌చూర్‌ పొడి, పచ్చిమిర్చి, నిమ్మరసం, ఉప్పు, కొత్తిమీర.
- పనీర్‌–మొక్కజొన్న సలాడ్‌.. ప్రొటీన్‌తో పాటు కాల్షియం!
పనీర్‌, ఉడికించిన స్వీట్‌ కార్న్‌తో తయారు చేసే ఈ సలాడ్‌ రుచిగా ఉండటంతో పాటు పోషకాలతో కూడినది.
పనీర్‌ ముక్కలకు బెల్‌ పెప్పర్‌, ఉల్లిపాయ, మొక్కజొన్నను జోడించాలి.
నిమ్మరసం, ఒరేగానో, నల్ల మిరియాల పొడి, కొద్దిగా ఉప్పుతో సలాడ్‌ను సిద్ధం చేసుకోవచ్చు.
ఇందులో 18 గ్రాముల ప్రొటీన్‌, కాల్షియం, మంచి కార్బోహైడ్రేట్లు, యాంటీఆక్సిడెంట్లు ఉంటాయి.
కావాల్సిన పదార్థాలు : పనీర్‌ ముక్కలు, ఉడికించిన స్వీట్‌ కార్న్‌, బెల్‌ పెప్పర్‌, ఉల్లిపాయ, నిమ్మరసం, ఒరేగానో, నల్ల మిరియాల పొడి, ఉప్పు.
- సోయాబీన్‌–వేరుశనగ సలాడ్‌.. శక్తినిచ్చే కాంబినేషన్‌!
ఉడికించిన సోయాబీన్స్‌, వేయించిన వేరుశనగలను కలిపి ఈ సలాడ్‌ను తయారు చేసుకోవచ్చు.
దీనికి క్యారెట్‌, దోసకాయ, ఉల్లిపాయ వంటి కూరగాయలను జోడిస్తే పీచు, విటమిన్లు వంటి పోషకాలు కూడా లభిస్తాయి. నిమ్మరసం, చాట్‌ మసాలా, జీలకర్ర పొడి, ఉప్పుతో రుచిని పెంచుకోవచ్చు.
ఇందులో 17 గ్రాముల ప్రొటీన్‌, పీచు ఉంటుంది. గుండె ఆరోగ్యానికి మేలు చేసే ఆహారంగా, శరీరానికి శక్తినిచ్చేదిగా కూడా పేర్కొంది.
కావాల్సిన పదార్థాలు : ఉడికించిన సోయాబీన్స్‌, వేయించిన వేరుశనగలు, క్యారెట్‌, దోసకాయ, ఉల్లిపాయ, నిమ్మరసం, చాట్‌ మసాలా, జీలకర్ర పొడి, ఉప్పు.
- మసూర్‌ పప్పు సలాడ్‌.. పీచు, ఫోలేట్‌కు మంచి వనరు!
ఉడికించిన మసూర్‌ పప్పును ఉపయోగించి ఈ సలాడ్‌ను సులభంగా తయారు చేసుకోవచ్చు.
దీనికి పాలకూర, దోసకాయ, ఉల్లిపాయ జోడించి మరింత పోషకవిలువను పెంచవచ్చు.
వేయించిన జీలకర్ర, జీలకర్ర పొడి, కొద్దిగా ఆలివ్‌ నూనె, నిమ్మరసం, ఉప్పు కలపాలి.
ఇందులో 16 గ్రాముల ప్రొటీన్‌, ఫోలేట్‌ అధికంగా ఉంటాయి. తక్కువ కొవ్వుతో పాటు జీర్ణక్రియకు సహాయపడే గుణాలు ఉన్నట్లు పేర్కొంది.
కావాల్సిన పదార్థాలు : ఉడికించిన మసూర్‌ పప్పు, పాలకూర, దోసకాయ, ఉల్లిపాయ, వేయించిన జీలకర్ర, జీలకర్ర పొడి, ఆలివ్‌ నూనె, నిమ్మరసం, ఉప్పు.
- మిక్స్‌డ్‌ బీన్‌ సలాడ్‌.. మొక్కల ఆధారిత ప్రొటీన్‌!
రాజ్మా, అలసందలు, శనగలు వంటి వివిధ రకాల ఉడికించిన బీన్స్‌ను కలిపి ఈ సలాడ్‌ను తయారు చేసుకోవచ్చు. బెల్‌ పెప్పర్‌, సెలరీ, ఉల్లిపాయలను జోడించడం ద్వారా రుచి, పోషకవిలువ మరింత పెరుగుతుంది. నిమ్మరసం, నల్ల మిరియాల పొడి, ఎండిన థైమ్‌, కొద్దిగా ఉప్పు కలిపితే సలాడ్‌ సిద్ధమవుతుంది. ఇందులో 17 గ్రాముల ప్రొటీన్‌, అధిక పీచు ఉంటుంది. ఇది మొక్కల ఆధారిత ప్రొటీన్‌కు మంచి వనరుగా, ఎక్కువసేపు శక్తిని అందించే ఆహారంగా పేర్కొంది.
కావాల్సిన పదార్థాలు : ఉడికించిన రాజ్మా, అలసందలు, శనగలు, బెల్‌ పెప్పర్‌, సెలరీ, ఉల్లిపాయ, నిమ్మరసం, నల్ల మిరియాల పొడి, ఎండిన థైమ్‌, ఉప్పు.
ఆహారంలో చేర్చుకుంటే.. ఈ ఆరు సలాడ్లలో పప్పులు, శనగలు, సోయాబీన్స్‌, పనీర్‌, వేరుశనగలు వంటి ప్రొటీన్‌ వనరులతో పాటు వివిధ కూరగాయలు, ఆకుకూరలు ఉన్నాయి. మొక్కల ఆధారిత ప్రొటీన్‌ తీసుకోవాలనుకునేవారికి ఇవి ఉపయోగకరమైన ఎంపికలు. కూరగాయలు, పప్పుధాన్యాల ద్వారా పీచు, విటమిన్లు, ఖనిజాలు వంటి పోషకాలు కూడా అందుతాయి. సమతుల ఆహారంలో భాగంగా తగిన పరిమాణంలో వీటిని చేర్చుకోవచ్చు.
మొక్కల ఆధారిత ప్రొటీన్‌
రోగనిరోధక శక్తికి తోడ్పాటు
బరువు నిర్వహణకు సహకారం
సహజమైన/శుభ్రమైన పదార్థాలతో ఆరోగ్యకరమైన ఆహారం
