kHAIDI REEL : పోలీస్  ఆపరేషన్  టెన్షన్​.. టెన్షన్​

  kHAIDI REEL : పోలీస్  ఆపరేషన్  టెన్షన్​.. టెన్షన్​

మోస్ట్ వాంటెడ్ నిందితుడు తిరుగుబాటు

  సిఐపై కత్తితో దాడి… ఇద్దరు పోలీసులకు గాయాలు

  ఎర్రకొండ అటవీ ప్రాంతంలో ఉద్రిక్త పరిస్థితులు

( శ్రీ సత్యసాయి బ్యూరో / చిలమత్తూరు,  ఆంధ్రప్రభ):

kHAIDI REEL : శ్రీ సత్యసాయి జిల్లాలో మోస్ట్ వాంటెడ్ నిందితుడిని పట్టుకునేందుకు చేపట్టిన పోలీస్ ఆపరేషన్ ఉత్కంఠభరితంగా మారింది. పలు కేసుల్లో నిందితుడైన ఎరుకల కావిడి నాగేంద్రను అదుపులోకి తీసుకునే సమయంలోkHAIDI REEL అతడు పోలీసులపై కత్తితో దాడి చేయడంతో పరిస్థితి ఉద్రిక్తంగా మారింది. స్వీయరక్షణార్థం పోలీసులు కాల్పులు జరిపి చివరకు నిందితుడిని అదుపులోకి తీసుకున్న ఈ ఘటన చిలమత్తూరు మండలంలో శుక్రవారం సంచలనం సృష్టించింది.

kHAIDI REEL : : పోలీసులు తెలిపిన వివరాల ప్రకారం, రాష్ట్రవ్యాప్తంగా పలు కేసుల్లో మోస్ట్ వాంటెడ్‌గా ఉన్న ఎరుకల కావిడి నాగేంద్ర ఎర్రకొండ అటవీ ప్రాంతంలో సంచరిస్తున్నట్లు పోలీసులకు విశ్వసనీయ సమాచారం అందింది. దీంతో వెంటనే ప్రత్యేక బృందాన్ని ఏర్పాటు చేసి శుక్రవారం తెల్లవారుజామున గాలింపు చర్యలు చేపట్టారు. హిందూపురం అప్‌గ్రేడ్ పోలీస్ స్టేషన్ సిఐ ఆంజనేయులు నేతృత్వంలో ఈ ఆపరేషన్ నిర్వహించారు. ప్రాంతం అటవీ ప్రాంతం కావడంతో పోలీసు బలగాలు జాగ్రత్తగా ముందుకు సాగాయి.

kHAIDI REEL : : గాలింపు సమయంలో నాగేంద్రను గుర్తించిన పోలీసులు అతడిని లొంగిపోవాలని హెచ్చరించినట్లు తెలుస్తోంది. అయితే అకస్మాత్తుగా అతడు పోలీసులపై తిరగబడి తన వద్ద ఉన్న కత్తితో దాడికి దిగాడు. ఈ దాడిలో హిందూపురం అప్‌గ్రేడ్ పోలీస్ స్టేషన్‌కు చెందిన కానిస్టేబుల్ రవి గాయపడ్డారు. పరిస్థితిని అదుపులోకి తీసుకునేందుకు ముందుకు వచ్చిన సర్కిల్ ఇన్‌స్పెక్టర్ ఆంజనేయులుపై కూడా నిందితుడు కత్తితో దాడి చేయడంతో ఆయనకు గాయాలయ్యాయి. ఘటన చోటుచేసుకున్న ప్రాంతంలో క్షణాల్లో ఉద్రిక్తత నెలకొంది.

kHAIDI REEL : పోలీసులపై దాడి కొనసాగడంతో పరిస్థితి ప్రమాదకరంగా మారినట్లు సమాచారం. దీంతో స్వీయరక్షణార్థం పోలీసులు కాల్పులు జరిపినట్లు అధికార వర్గాలు తెలిపాయి. కాల్పుల అనంతరం నిందితుడిని అదుపులోకి తీసుకుని అదుపులోకి తీసుకున్నట్లు సమాచారం. సంఘటన అనంతరం గాయపడిన సిఐ ఆంజనేయులు, కానిస్టేబుల్ రవిని వెంటనే హిందూపురం ప్రభుత్వ ఆసుపత్రికి తరలించి చికిత్స అందిస్తున్నారు. వారి ఆరోగ్య పరిస్థితి ప్రస్తుతం స్థిరంగా ఉందని వైద్యులు వెల్లడించినట్లు సమాచారం.

kHAIDI REEL : నిందితుడు నాగేంద్రకు సంబంధించి పోలీసు వర్గాలు వెల్లడించిన వివరాలు సంచలనంగా మారాయి. రాష్ట్రవ్యాప్తంగా సంచలనం రేపిన అత్త–కోడలు గ్యాంగ్ రేప్ కేసులో అతడు ప్రధాన నిందితుడిగా ఉన్నట్లు తెలిసింది. అంతేకాకుండా రెండు రాష్ట్రాల్లో కలిపి అతనిపై 90కి పైగా కేసులు నమోదై ఉన్నట్లు సమాచారం. దీర్ఘకాలంగా పోలీసులకు చిక్కకుండా తప్పించుకుంటూ వస్తున్న అతడు చట్ట అమలు సంస్థలకు పెద్ద సవాల్‌గా మారినట్లు తెలుస్తోంది. పలుమార్లు అతడిని పట్టుకునేందుకు ప్రయత్నించినప్పటికీ ప్రతి సారి తప్పించుకున్నట్లు పోలీసు వర్గాలు పేర్కొంటున్నాయి.

kHAIDI REEL : ఈ ఘటనతో జిల్లా పోలీస్ యంత్రాంగం అప్రమత్తమైంది. అటవీ ప్రాంతాల్లో మరింత బందోబస్తు ఏర్పాటు చేసి గాలింపు చర్యలు కొనసాగిస్తున్నారు. నిందితుడికి సహకరించిన వ్యక్తులు ఉన్నారా అనే కోణంలో కూడా పోలీసులు దర్యాప్తు ముమ్మరం చేశారు. అతడి నేరచరిత్ర, గతంలో జరిగిన ఘటనలు, సహచరులపై కూడా విచారణ కొనసాగుతోంది.

kHAIDI REEL : స్థానికంగా ఈ ఘటన తీవ్ర చర్చనీయాంశంగా మారింది. ఉదయం సమయంలోనే అటవీ ప్రాంతంలో కాల్పుల శబ్దాలు వినిపించడంతో గ్రామస్తులు భయాందోళనకు గురయ్యారు. అనంతరం పోలీసు అధికారులు పరిస్థితిని వివరించి ప్రజలను అప్రమత్తం చేశారు. చట్టం ముందు ఎవరైనా తప్పించుకోలేరనే సందేశాన్ని పోలీసులు స్పష్టం చేశారు.

kHAIDI REEL : పోలీసుల ధైర్యసాహసాలను స్థానికులు అభినందిస్తున్నట్లు సమాచారం. గాయపడిన పోలీసు సిబ్బంది త్వరగా కోలుకోవాలని పలువురు కోరుకుంటున్నారు. నిందితుడిని పూర్తిగా విచారించిన అనంతరం మరిన్ని వివరాలు అధికారికంగా వెల్లడించే అవకాశం ఉందని పోలీసు అధికారులు తెలిపారు. జిల్లాలో శాంతి భద్రతల పరిరక్షణకు అవసరమైన చర్యలు తీసుకుంటున్నామని అధికారులు వెల్లడించారు.