Indrakeeladri | దుర్గమ్మ ఆలయనికి రికార్డు స్థాయి ఆదాయం..
- 2026-28 సంవత్సరానికి సంబంధించి వేలంపాట..
- గత టెండర్ రూ 5.68 కోట్లు..
- ప్రస్తుత టెండర్ రూ 10.10 కోట్లు..
Indrakeeladri | ఎన్టీఆర్ బ్యూరో, ఆంధ్రప్రభ : ఉమ్మడి తెలుగు రాష్ట్రాల్లోనే అత్యంత ప్రాధాన్యత కలిగిన రెండో దేవస్థానమైన ఇంద్రకీలాద్రి శ్రీ దుర్గా మల్లేశ్వర స్వామి వారి దేవస్థానానికి ఈ ఏడాది టెండర్ (Tender) ప్రక్రియ ద్వారా అత్యధిక ఆదాయం సమకూరింది. అమ్మవారికి భక్తులు అత్యంత పవిత్రంగా సమర్పించే కేశఖండనశాలకు సంబంధించి నిర్వహించిన టెండర్ ప్రక్రియ గతంలో కంటే అత్యధికంగా వేలంపాట ద్వారా ఆదాయం లభించింది.
Indrakeeladri | విజయవాడ ఇంద్రకీలాద్రి పై..
విజయవాడ ఇంద్రకీలాద్రి పై కేశఖండన శాల వెంట్రుకల వేలం ప్రక్రియ పూర్తి కాగా సుమారు 80% మేర దేవస్థానానికి ఆదాయం (income) పెరిగింది. భక్తులు సమర్పించే వెంట్రుకల విక్రయానికి సంబంధించి రెండేళ్ల కాల పరిమితి (2026-2028) కు గాను నిర్వహించిన టెండర్ ప్రక్రియ సోమవారం నిర్వహించగా గత టెండర్లతో పోలిస్తే.. ఈసారి దేవస్థానానికి భారీ స్థాయిలో ఆదాయం సమకూరింది.
Indrakeeladri | టెండర్ ప్రక్రియ..
ఈ టెండర్ ప్రక్రియను ఆలయ ఈఓ, స్పెషల్ గ్రేడ్ డిప్యూటీ కలెక్టర్ (Collector) వి.కె. సీనా నాయక్ పర్యవేక్షణలో నిర్వహించారు. పబ్లిక్ ఆక్షన్ లో ఇందులో 19 మంది వ్యాపారులు పాల్గొన్నారు. సీల్డ్ టెండర్ లో 13 షెడ్యూల్స్ విక్రయించగా, 4 గురు పాల్గొన్నారు. ఇందులో ప్రోద్దుటూరుకు చెందిన కె.వి. నరసమ్మ రూ. 9,57,00,000/- తో అత్యధిక ధర పలికారు. ఈ-టెండర్ లో 4 గురు పాల్గొనగా, తిరుపతికి చెందిన గరుడ ఎంటర్ప్రైజెస్ రూ. 9,09,99,999/- కోట్ చేశారు. రెండేళ్ల టెండర్ ప్రక్రియలో పశ్చిమ గోదావరి జిల్లా, తణుకుకు చెందిన ఇండియన్ హెయిర్ ఇండస్ట్రీస్ ప్రైవేట్ లిమిటెడ్ (మేనేజింగ్ డైరెక్టర్: వి. రవీంద్ర నాథ్) అత్యధిక ధరకు టెండర్ను దక్కించుకున్నారు.
Indrakeeladri | రికార్డు స్థాయిలో ఆదాయం..
గత టెండర్ కాలం (2024-26) తో పోలిస్తే.. ప్రస్తుత వేలంలో దేవస్థానానికి (Temple) రికార్డు స్థాయిలో ఆదాయం పెరిగింది. గతంలో రూ. 5,67,57,000/- ఉండగా, ఇప్పుడు అది రూ. 10,10,00,000/- కు చేరింది. సుమారు 77.96% పెరుగుదల కనిపించగా రెండవ ఏడాది గతంలో రూ. 6,18,05,700/- ఉండగా, 10% అదనపు పెంపుతో కలిపి రూ. 11,11,00,000/- కు చేరింది. దింతో సుమారు 80.08% పెరుగుదల స్పష్టంగా కనిపిస్తుంది. పారదర్శకంగా నిర్వహించిన ఈ వేలం ప్రక్రియ ద్వారా దేవస్థానానికి గతంతో పోలిస్తే భారీగా ఆదాయం పెరగడం పట్ల అధికారులు ఆలయ చైర్మన్ బొర్రా రాధాకృష్ణ (గాంధీ) సభ్యులు హర్షం వ్యక్తం చేశారు.
