కడప జిల్లాలో ఉద్రిక్త వాతావరణం నెలకొంది. రాజుపాలెం మండలం అయ్యవారిపల్లెలో ఇరు వర్గాలకు మధ్య ఘర్షణ చోటు చేసుకుంది. ఇరు వర్గాలు కత్తులతో దాడులు చేసుకున్నాయి. ఈ దాడుల్లో బీజేపీకి చెందిన ఆరుగురు, వైసీపీకి చెందిన ముగ్గురు కార్యకర్తలు గాయపడ్డారు. బీజేపీ కార్యకర్తల పరిస్థితి విషమంగా ఉంది. మరోవైపు ఈ ఘర్షణలో గ్రామ వాలంటీర్ వెంకటేష్ కూడా గాయపడినట్లు తెలుస్తోంది.
ఇటీవల అయ్యవారిపల్లిలో 100 కుటుంబాలు వైసీపీ నుంచి బీజేపీలోకి చేరాయి. ఈ నేపథ్యంలో ఇరు పార్టీల మధ్య ఘర్షణ చెలరేగుతోంది. ఈ క్రమంలో బీజేపీ నాయకుడు ప్రసాద్, గ్రామ వాలంటీర్ వెంకటేష్ మధ్య సంక్షేమ పథకాల విషయంలో గొడవ జరిగింది. దీంతో, బీజేపీ వర్గీయులపై వైసీపీ శ్రేణులు దాడి చేసినట్టు సమాచారం. ఈ ఘర్షణలో తీవ్రంగా గాయపడిన ప్రసాద్‌ను మెరుగైన చికిత్స కోసం కడప రిమ్స్ ఆస్పత్రికి తరలించారు.
ఈ వార్త కూడా చదవండి: ఏపీలో మరోసారి కర్ఫ్యూ పొడిగింపు