‘వైఎస్ వివేకానంద‌రెడ్డి’ హ‌త్య కేసులో కీల‌క ఆధారాలు..

ఏపీ మాజీ మంత్రి వైఎస్ వివేకానంద రెడ్డి హ‌త్య కేసులో కీల‌క ఆధారాలు దొరికాయ‌ని సీబీఐ తెలిపింది. ఇప్ప‌టికే ఈ కేసులో అరెస్టయిన గజ్జల ఉమాశంకర్​ రెడ్డి సహా ఇతర నిధితులు ఇటీవల బెయిల్​ కోసం దరఖాస్తు చేసుకున్నారు. ఎస్సీ, ఎస్టీ కేసుల ప్రత్యేక సెషన్స్​ కోర్టులో ఈ కేసు విచారణకు వచ్చింది. ఈ నేపథ్యంలో వారికి బెయిల్​ మంజూరు చేయొద్దని సీబీఐ తరఫు న్యాయవాది వాదించారు. ఈ సందర్భంగానే అతడికి సంబంధించిన ఆధారాల గురించి కోర్టుకు వివరించారు. ఇక ఈ కేసులో గజ్జల ఉమాశంకర్ రెడ్డి పాత్రపై కీలక ఆధారాలు ఉన్నట్లు చెప్పారు. హత్య జరిగిన రోజు తెల్లవారు జామున రోడ్డుపై అతడు పరుగులు తీస్తున్నట్లు గుర్తించామని పేర్కొంది. దీనికి సంబంధించి సీసీటీవీ దృశ్యాలు లభ్యమైనట్లు సీబీఐ వెల్ల‌డించింది.