హీరో నితిన్ నటిస్తున్న ‘రంగ్ దే’ సినిమా నుంచి ‘చూసి నేర్చుకోకు’ అంటూ సాగే పాటను తాజాగా చిత్రయూనిట్ విడుదల చేసింది. ఈ మూవీకి వెంకీ అట్లూరి దర్శకత్వం వహిస్తున్నాడు. కీర్తి సురేష్ హీరోయిన్‌గా నటిస్తోంది. సితార ఎంటర్‌టైన్‌మెంట్స్ బ్యానరుపై సూర్యదేవర నాగవంశీ ఈ సినిమాను నిర్మిస్తున్నాడు. ప్రేమకథగా తెరకెక్కిన ఈ చిత్రం మార్చి 26న ప్రేక్షకుల ముందుకు రానుంది. ఈ మూవీకి రాక్‌స్టార్ దేవిశ్రీప్రసాద్ సంగీతం అందిస్తున్నాడు. ఫుల్ లిరికల్ వీడియోను ఆదివారం విడుదల చేస్తామని యూనిట్ తెలిపింది. కాగా ఇప్పటికే ‘ఏమిదో ఇది’, ‘బస్టాండే బస్టాండే’, ‘నా కనులు ఎప్పుడూ’అంటూ సాగే పాటలు విడుదల కాగా శ్రోతలను అలరిస్తున్నాయి.
