ప‌ట్నా – బిహార్ః బిహార్ లో ఎప్పుడో ఒక‌సారి ఉద్యోగ నోటిఫికేషన్ వ‌స్తుంది.. ప‌రీక్ష‌లు నిర్వ‌హిస్తారు.. ఆ త‌ర్వాత పేపర్ లీక్ అంటూ ఆ ప‌రీక్ష ర‌ద్దు చేస్తారు..అక్క‌డ జ‌రుగుతున్న‌ర‌ద్దు గోల‌తో తన ప్రేమ స‌ఫ‌లం కావ‌డం లేదంటూ ఓ నిరుద్యోగి య‌వ‌తి అసహనం వ‌క్తం చేసింది.. దీంతో ఏకంగా ఆ రాష్ట్ర డిప్యూటీ సిఎం కు లేఖ రాసింది. ఎఫైర్ పెట్టుకోవాల్సిన వయసులో కరెంట్ ఎఫైర్స్ చదువుతున్నాను. ఉద్యోగం రాని కారణంగా ప్రేమించిన వ్యక్తికి నా మనసులోని మాటను చెప్పలేకపోతున్నాను.’ అంటూ ఓ డిప్యూటీ సీఎం తేజస్వీ యాదవ్కు వివ‌రించింది.
“మీరు ప్రేమ వివాహం చేసుకున్నారు.. కానీ నిరుద్యోగం నా పెళ్లికి అడ్డంకిగా మారింది” అంటూ ఆ లేఖలో తన గోడు వెల్లబోసుకుంది. ప్రస్తుతం ఈ లెటర్ సోషల్ మీడియాలో తెగ వైరల్ అవుతోంది. పింకీ అనే యువతి పేరిట ఈ లేఖ వచ్చింది. నాలుగు సంవత్సరాలుగా తాను ప్రభాత్ అనే రచయితను ప్రేమిస్తున్నట్లు ఆ లేఖలో పేర్కొంది. అతడిని వన్సైడ్ లవ్ చేస్తున్నట్లు వెల్లడించింది. ఉద్యోగం వస్తే ప్రేమ విషయాన్ని చెప్పాలకున్నట్లు ఆ యువతి తెలిపింది. అయితే ఉద్యోగం రానందువల్ల తన ప్రేమ విషయాన్ని చెప్పలేకపోతున్నానంటూ వాపోయింది. ఒక్కసారి కూడా ఉద్యోగాలకు నోటిఫికేషన్ వెలువడలేదని ఒకవేళ వచ్చినా పేపర్ లీక్ అవుతోందని అసహనం వ్యక్తం చేసింది. లీకుల గోల పోయి నాకు ఉద్యోగం ఎప్పుడొస్తుందంటూ ఏకంగా తేజ‌స్వీని ప్ర‌శ్నించింది.. త‌న‌కు ఉద్యోగం రాక‌పోతే తన ప్రేమ క‌ల‌గానే మిగిలిపోతుందంటూ ఆ యువతి నిట్టూర్చింది.