వ‌రల్డ్ రెజ్లింగ్ ఎంట‌ర్టైన్మెంట్ (WWE) లెజెండ్, మల్టీ టైమ్ ఛాంపియన్ జాన్ సెనా మొదటిసారిగా భారత్ రాబొతున్నారు. వ‌చ్చే నెల (సెప్టెంబర్) 8న హైదరాబాద్‌లో జరగనున్న సూపర్‌స్టార్ స్పెక్టాకిల్‌లో భారతదేశంలో మొదటిసారిగా రెజ్లింగ్ పోటీల్లో పాల్గొన‌నున్నారు. జాన్ సెనా భారత్కు రావ‌డం ఇది రెండవసారి.. అయితే అతను ఇన్-రింగ్ యాక్షన్ ఈవెంట్‌లోకి ప్రవేశించడం ఇదే మొదటిసారి.
2006లో తన భార‌త‌దేశ పర్యటనలో, బ్రాడ్‌కాస్టర్ ప్లాన్‌లో భాగంగా ముంబైలో మీట్ అండ్ గ్రీట్ ఈవెంట్‌ల కోసం సెనా భారతదేశంలో ఉన్నారు. త‌ను భార‌తదేశానికి రానున్న‌ట్టు ఇప్పుడు సెనా స్వయంగా ట్విట్ట‌ర్ X లో ధ్రువీకరించారు. 16 సార్లు ప్రపంచ ఛాంపియన్ అయిన అతను భారతదేశంలో మొదటిసారిగా రెజ్లింగ్ చేస్తానని, దేశంలోని WWE అభిమానులను కలవడానికి ఉత్సాహంగా ఉన్నానని చెప్పారు.