ఐసీసీ మహిళల టీ20 బ్యాటింగ్‌ ర్యాంకింగ్స్‌లోన్యూజిలాండ్‌ స్టార్‌ సుజీ బేట్స్‌, భారత కెప్టెన్ హర్మన్‌ప్రీత్‌ కౌర్‌ టాప్‌ 10లో చేరారు. గతంలో అగ్రశ్రేణి బ్యాటర్‌ అయిన బేట్స్‌, 44, 52 స్కోర్‌ల తర్వాత మూడు స్థానాలు ఎగబాకి ఐదో స్థానానికి చేరుకుంది. మరోవైపు హర్మన్‌ప్రీత్‌కౌర్‌ బంగ్లాదేశ్‌లో జరిగిన తొలి టీ20లో నాలుగు స్థానాలు ఎగబాకి 10వ స్థానానికి చేరుకుంది. వెస్టిండీస్‌ కెప్టెన్ హోలీ మాథ్యూస్‌ ‘ప్లేయర్‌ ఆఫ్‌ ప్లేయర్‌’గా ఎంపికైన తర్వాత ఆమె ర్యాంక్‌ గణనీయంగా మెరుగైంది. బ్యాటర్‌లలో ఐదు స్థానాలు ఎగబాకి 17వ స్థానానికి చేరుకుంది.
న్యూజిలాండ్‌కు చెందిన అమేలియా బ్యాటింగ్‌లో రెండు స్థానాలు ఎగబాకి 15వ స్థానానికి చేరుకుంది. బౌలింగ్‌ ర్యాంకింగ్స్‌లో న్యూజిలాండ్‌ పేసర్‌ లీ తుహుహు (రెండు స్థానాలు ఎగబాకి ఆరో ర్యాంక్‌), న్యూజిలాండ్‌ స్పిన్నర్‌ ఫ్రాన్‌ జోనాస్‌ (మూడు స్థానాలు ఎగబాకి 16వ ర్యాంక్‌), శ్రీలంక లెఫ్టార్మ్‌ సీమర్‌ ఉదేశిక ప్రబోధని (ఎనిమిది స్థానాలు ఎగబాకి 28వ ర్యాంక్‌కు) చేరారు. థాయ్‌లాండ్‌ ఓపెనర్‌ నత్తకన్‌ చంతమ్‌ ఏడు స్థానాలు ఎగబాకి 36వ ర్యాంక్‌కు చేరింది. డచ్‌ సీమ్‌ బౌలర్‌ ఐరిస్‌ జ్విల్లింగ్‌ రెండు మ్యాచ్‌ల్లో ఐదు వికెట్లు పడగొట్టి ఎనిమిది స్థానాలు ఎగబాకి 41వ ర్యాంక్‌కు చేరుకుంది.