టెలిగ్రామ్లో పరిచయం అయిన వ్యక్తితో పెళ్లి చేయడం లేదన్న కోపంతో ఓ యువతి అఘాయిత్యానికి పాల్పడింది. తను నచ్చిన వ్యక్తితో పెళ్లి చేయడానికి ఆమె కుటుంబం వ్యతిరేకించడంతో 24 ఏళ్ల యువతి అపార్ట్మెంట్లోని రెండో అంతస్తు నుంచి కిందకు దూకేసింది. ఆత్మహత్యాయత్నానికి పాల్పడ్డ ఆ యువతి ప్రస్తుతం తీవ్ర గాయాలతో ఆస్పత్రిలో చికిత్స పొందుతోంది. సెక్టార్ 121లోని అజ్నారా హోమ్స్ సొసైటీలో ఈ ఘటన జరిగిందని పోలీసులు తెలిపారు.
కాగా, ఆ యువతి పెళ్లి చేసుకోవాలనుకున్న వ్యక్తి MBA చదువుతున్నాడు. అతనికి 23 ఏండ్లు కాగా, అతను ఉత్తరప్రదేశ్‌లోని బదౌన్ జిల్లాలో ఉంటున్నట్టు సమాచారం. ఇక.. అతనితో ఆమెకు టెలిగ్రామ్లో పరిచయం అయ్యింది. వారి ఫ్రెండ్షిప్ గురించి తెలుసుకున్న కుటుంబ సభ్యులు దీన్ని వ్యతిరేకించారు. ఈ క్రమంలో ఆ యువతి ఫోన్ని కూడా లాగేసుకున్నారు. అందుకే ఆమె కోపంతో అపార్ట్మెంట్లోని రెండో అంతస్తు నుంచి కిందకు దూకింది. ప్రస్తుతం ఆస్పత్రిలో చికిత్స పొందుతోందని, ఈ ఘటనకు సంబంధించి తమకు ఎలాంటి ఫిర్యాదు అందలేదని పోలీసులు తెలిపారు.