లాలాపేట‌లో మ‌హిళ దారుణ హ‌త్య‌

గుంటూరు క్రైo : గుంటూరు లాలాపేట పోలీస్ స్టేషన్ పరిధిలోని మూర్తి ఫ్యాషన్ వస్త్ర దుకాణం సమీపంలోని ఇంట్లో మహిళ హత్యకు గురైంది. లాలాపేట లోని చంద్రముఖి ఫ్యాషన్ లో పనిచేస్తున్న 56 సంవత్సరాల వయస్సుగల నెరేళ్ల పద్మావతి అనే మహిళను గురువారం తెల్లవారుజామున గుర్తుతెలియని దుండగులు, ఆమె ఇంట్లోకి చొరబడి కాళ్ళు చేతులు కట్టివేసి, నోట్లో గుడ్డలు కుక్కి అరవకుండా చేసి మొహంపై దిండువేసి హత్యచేశారు. హత్యకు అక్రమ సంబంధం కారణం అని స్థానికులు భావిస్తున్నారు. ఘటనా స్థలానికి పోలీసులు చేరుకుని ఆధారాలు సేకరించి, కేసు నమోదు చేసి దర్యాప్తు చేస్తున్నారు.