తెలంగాణలోని మహబూబాబాద్ జిల్లాలో ఒక దారుణ‌మైన సంఘ‌ట‌న చోటుచేసుకుంది. భార్యాభర్తల మధ్య గొడ‌వ జ‌ర‌గ‌డంతో భ‌ర్త‌ను అతడి భార్య దారుణంగా చంపి అత‌ని మర్మాంగం కోసేసింది. భార్యాభర్తల మధ్య గొడ‌వ‌లు రావ‌డం స‌హ‌జం కానీ అందులో ఏ ఒక్క‌రి ఓపిక న‌శించినా అప్పుడు చోటు చేసుకునే ప‌రిస్థితి చాలా దారుణంగా ఉంటుంది, అందుకు ఈ సంఘ‌ట‌నే ఉదాహ‌ర‌ణ.
పూర్తి వివ‌రాల్లోకి వెళ్తే.. మహబూబాబాద్ జిల్లా మరిపెడ మండలం తానంచర్ల రెవెన్యూ పరిధి వాంకుడోతు తండాలో భూక్య బీచ్యా – ప్రమీల భార్య భ‌ర్త‌లు నివ‌సిస్తుండేవారు. తాజాగా భార్యాభ‌ర్త‌లు ఇద్దరూ గొడ‌వ ప‌డ్డారు, ఆ ఇంటి నుండి పెద్ద పెద్ద అరుపులు విన‌ప‌డ్డాయి. ఆ మ‌హిళ త‌న భ‌ర్త‌ను దారుణంగా చంప‌డ‌మే కాకుండా అత‌ని ప్రైవేట్ పార్ట్ (మర్మాంగం ) కోసి చంపేసింది. భర్త ప్రతిరోజూ మద్యం తాగి వచ్చి నిత్యం వేధిస్తున్నాడనే కోపంతో భార్య ప్రమీల మర్మాంగం కోసిందని స్థానికులు అంటున్నారు. దీంతో ఈ ఘటనపై పోలీసులు విచారణ జరుపుతున్నారు.