స్టైలిష్ లుక్ లో స‌మంత‌.. సిటాడెల్ పోస్ట‌ర్ రిలీజ్

స్టార్ హీరోయిన్ స‌మంత టాలీవుడ్ చిత్రాల‌తో బాలీవుడ్ లో కూడా న‌టిస్తోంది. కాగా హాలీవుడ్ యాక్షన్ డైరెక్టర్స్ రూస్సో బ్రదర్స్ నిర్మించిన స్పై యాక్షన్ థ్రిల్లర్ సిటాడెల్ సిరీస్ ను ఇండియన్ వెర్షన్ లోనూ తీసుకురాబోతున్న విషయం తెలిసిందే. ప్రముఖ ఓటీటీ సంస్థ అమెజాన్ ప్రైమ్ వీడియో నిర్మిస్తోంది. ఈ క్రేజీ ప్రాజెక్ట్ కు ‘ది ఫ్యామిలీ మెన్’ సిరీస్ దర్శకులు రాజ్ మరియు డీకే దర్శకత్వం వహిస్తున్నారు. స్టార్ హీరోయిన్ సమంత , బాలీవుడ్ స్టార్ వరుణ్ ధావన్ కలిసి నటించబోతున్నారు. ఇప్పటికే షూటింగ్ ప్రారంభమైంది. తాజాగా అమెజాన్ సమంతను కన్ఫమ్ చేస్తూ సాలిడ్ అప్డేట్ ను అందించింది. సిటాడెల్ సిరీస్ నుండి స్టార్ హీరోయిన్ సమంత పోస్టర్ ని రిలీజ్ చేశారు మేకర్స్.ఇండియన్ వెర్షన్ ‘సిటాడెల్’ రోలింగ్ అవుతోందని తెలిపారు. బుధవారం సమంత షూటింగ్ లో పాల్గొన్నట్టు దర్శకులూ ట్వీట్ ర్ ద్వారా తెలియజేశారు. ఈ పోస్టర్ లో సమంత లుక్ అదిరిపోయింది.