పొరుగుదేశం పాకిస్థాన్ లో ఘోర ప్రమాదం చోటు చేసుకుంది. ఓ పెళ్లి బస్సు అదుపుతప్పి నదిలో పడిపోయింది. ఈ ఘటనలో 14మంది ప్రాణాలు కోల్పోయారు. అయితే, వధువు మాత్రం ప్రాణాలతో బయటపడింది. గిల్గిట్-బాల్టిస్తాన్‌ లో ఈ ఘటన చోటు చేసుకున్నట్లు అధికారులు తెలిపారు. సుమారు 25 మందితో వెళ్తున్న బస్సు ఓ వంపు వద్ద అదుపుతప్పి నదిలోకి పడిపోయింది.
ఈ ఘటనలో ఇప్పటి వరకూ 14 మంది మృతదేహాలను స్వాధీనం చేసుకున్నట్లు అధికారులు తెలిపారు. మరో 10మంది కోసం గాలింపు చర్యలు చేపట్టినట్లు చెప్పారు. ఈ ప్రమాదంలో వధువు ఒక్కటే ప్రాణాలతో బయటపడినట్లు వెల్లడించారు. ప్రస్తుతం ఆమె గిల్గిట్ ఆసుపత్రిలో చికిత్స పొందుతున్నట్లు తెలిపారు. అతివేగమే ప్రమాదానికి కారణంగా అధికారులు భావిస్తున్నారు.
- Advertisement -