బిల్‌గేట్స్ ఫౌండేష‌న్‌కు వారెన్ బ‌ఫెట్ రాజీనామా..

మైక్రోసాఫ్ట్ అధినేత బిల్‌గేట్స్ కు చెందిన మిలిందా గేట్స్ ఫౌండేష‌న్‌కు వారెన్ బ‌ఫెట్ రాజీనామా చేశారు.  బిల్‌గేట్స్‌, మిలిందా గేట్స్‌లు 27 ఏళ్ల వైవాహిక బంధానికి గుడ్‌బై చెబుతూ… విడాకులు తీసుకోవడంతో… ఆ ఫౌండేష‌న్‌లో కొన‌సాగ‌కూడ‌ద‌ని బ‌ఫెట్ నిర్ణ‌యించుకున్నారు.  ట్ర‌స్టీలో ఉన్న‌ప్ప‌టీకీ, క్రియాశీలంగా లేన‌ని, అందుకే ఈ నిర్ణ‌యం తీసుకున్నాన‌ని బ‌ఫెట్ పేర్కొన్నారు. త‌న బ‌ర్క్‌షైర్ హాత్‌వే షేర్ల‌ను సేవా కార్యక్ర‌మాల‌కు వినియోగించాల‌నే లక్ష్యం స‌గానికిపైగా పూర్త‌యింద‌ని తెలిపారు.  ముగ్గురు స‌భ్యులున్న బోర్డులో బ‌ఫెట్ కూడా ఒక‌రు. కాగా… ఈ  పపదిహేనేళ్ళళ్లో ఈ ట్ర‌స్ట్ ద్వారా 27 బిలియ‌న్ డాల‌ర్ల‌ను సేవా కార్య‌క్ర‌మాల కోసం వినియోగించారు.  ఇప్ప‌టి వ‌ర‌కు బ‌ఫెట్ ఐదు సేవా సంస్థ‌ల‌కు 41 బిలియ‌న్ డాల‌ర్ల‌ను విరాళంగా ఇచ్చారు.