Visakhapatnam | కాన్వాయ్ లో కార్లు ఢీ – కేంద్రమంత్రులకు తృటిలో త‌ప్పిన ప్ర‌మాదం

విశాఖ‌ప‌ట్నం – విశాఖ స్టీట్ ప్లాంట్ ప‌రిశీల‌న కోసం వ‌చ్చిన కేంద్ర మంత్రులు కుమారస్వామి, శ్రీనివాస వర్మ లకు తృటిలో ప్రమాదం తప్పింది.. ఉక్కు పరిశ్రమకు రూ. 11,440 కోట్ల కేంద్ర ప్యాకేజీ ప్రకటించిన తర్వాత తొలిసారి కేంద్ర ఉక్కుశాఖ మంత్రికుమారస్వామి విశాఖకు చేరుకున్నారు.. ఆయన మరో మంత్రి శ్రీనివాసవర్మతో కలసి ఎయిర్‌పోర్ట్‌ నుంచి స్టీల్‌ ప్లాంట్‌కు కారులో వెళ్తున్న సమయంలో షీలా నగర్ వద్ద కాన్వాయ్‌లోని మూడు వాహనాలు ఒకదానితో మరొకటి ఢీకొన్నాయి.. దీంతో ఎనిమిది వాహనాల కాన్వాయ్‌లో మూడు కార్లు స్వల్పంగా దెబ్బతిన్నాయి.. ధ్వంసమైన కారులో మాజీ ఎంపీ జీవీఎల్‌ నరసింహారావు కారు కూడా ఉంది..కాగా విశాఖకు విమానంలో వచ్చిన కుమారస్వామికి ఎయిర్ పోర్ట్ లో ఎంపీలు భరత్, అప్పల నాయుడు, బీజేపీ నేతలు స్వాగతం పలికారు..