పవర్ స్టార్ పవన్ కల్యాణ్, రేణుదేశాయ్ దంపతుల కుమారుడు అకీరానందన్ ఇప్పుడిప్పుడే స్టార్ డమ్ సంపాదించుకుంటున్నాడు. అయితే తాజాగా రేణు దేశాయ్ సోషల్ మీడియా వేదిక ఇన్ స్టాగ్రామ్‌లో ఓ వీడియోను పంచుకుంది. పవర్ స్టార్ కుమారుడు అకీరానందన్ కర్ర సాము చేస్తున్న వీడియో అది. చాలా పెరిగిపోయిన అకీరా కర్ర సాముని ఇరగదీస్తున్నాడు. అందుకు సంబంధించిన వీడియోను రేణు అభిమానులతో పంచుకోవడం విశేషం. ఈ వీడియో నెటిజన్లను విపరీతంగా ఆకట్టుకుంటోంది. ఈ వీడియో చూసిన పవర్ స్టార్ అభిమానులు ఫుల్ ఖుషీగా ఫీలవుతున్నారు. త్వరలోనే అకీరానందన్ హీరోగా దర్శనం ఇస్తాడని ధీమా వ్యక్తం చేస్తున్నారు.
పవన్ కల్యాణ్ , రేణు దేశాయ్ లకు అకీరానందన్ కాకుండా మరో సంతానం కూడా ఉంది. ప్రస్తుతం రేణు దేశాయ్ పవన్ కల్యాణ్‌తో వేరుగా ఉంటుంది. పవన్ కల్యాణ్ ప్రస్తుతం మూడో పెళ్లి చేసుకున్నాడు. కాగ రేణు దేశాయ్ అభిమానులతో ఎప్పుడూ టచ్ లో ఉండడమే కాకుండా కరోనా లాక్ డౌన్ సమయంలో అనేక మందికి సాయం చేసింది. తాను దేశంలో జరుగుతున్న సమస్యలపై కూడా తన దైన శైలిలో స్పందిస్తూ ఉంటుంది.