వరంగల్‌లో బహిరంగంగా ఓటుకు రూ.3వేలు పంపిణీ

తెలంగాణలో ఐదు మున్సిపాలిటీలు, రెండు కార్పొరేషన్లలో శుక్రవారం నాడు ఎన్నికలు జరుగుతున్నాయి. ఉదయం 7 గంటలకు ప్రారంభమైన పోలింగ్ సాయంత్రం 5 గంటల వరకు జరుగుతుంది. వరంగల్, ఖమ్మం కార్పొరేషన్లు, సిద్దిపేట, అచ్చంపేట, నకిరేకల్, కొత్తూర్, జడ్చర్ల మున్సిపాలిటీలతో పాటు జీహెచ్ఎంసీ, నల్గొండ, గజ్వేల్, పరకాల, బోధన్‌లలో ఏర్పడిన ఖాళీలకు ఎన్నికలను నిర్వహిస్తున్నారు. ఈ నేపథ్యంలో గ్రేటర్ వరంగల్ మున్సిపల్ కార్పొరేషన్ ఎన్నికల్లో ఓటుకు రూ.3 వేలు పంపిణీ చేస్తున్నట్లు సమాచారం. వరంగల్ ఈస్ట్ నియోజకవర్గ పరిధిలోని 16వ డివిజన్‌లో అధికార పార్టీ అభ్యర్థి అనుచరులు రూ.3వేలు పంచుతున్నట్లుగా వీడియోలు సోషల్ మీడియాలో వైరల్ అవుతున్నాయి.