న్యూఢిల్లీ, ఆంధ్రప్రభ: ఉపరాష్ట్రపతి ఎం.వెంకయ్య నాయుడు చెన్నై పర్యటనలో బిజీగా ఉన్నారు. తొమ్మిదిరోజుల పర్యటన కోసం చెన్నపట్నం వెళ్లిన వెంకయ్య.. అక్కడ జరిగే వివిధ కార్యక్రమాల్లో పాల్గొననున్నారు. 25వ తేదీన దివంగత మాజీ ప్రధాని, భారతరత్న వాజ్‌పేయి జయంతి కార్యక్రమంలో పాల్గొని, నివాళుర్పించనున్నారు.
అదేవిధంగా 27వ తేదీ ఉదయం 11.30 గంటలకు తాజ్‌కోరమాండల్‌లో జరిగే ప్రత్యేక కార్యక్రమంలో దివంగత డాక్టర్‌ వీఎల్‌ దత్‌ ఆత్మకథ పుస్తకాన్ని ఆవిష్కరించనున్నారు. తిరిగి ఆయన ఈనెల 31వ తేదీన చెన్నై నుంచి కొచ్చిన్‌ బయలుదేరి వెళ్లనున్నారు.
కాగా, చెన్నై పర్యటనలో ఉన్న ఉపరాష్ట్రపతి ముప్పవరపు వెంకయ్యనాయుడుని తమిళనాడు ముఖ్యమంత్రి ఎం.కె. స్టాలిన్, ఇతర ప్రముఖులు మర్యాదపూర్వకంగా కలిశారు.
