ముంబైలో మోస్ట్ విజిటింగ్ ప్లేస్ లలో ఒకటి బాలీవుడ్ స్టార్ హీరో షారుక్ ఖాన్ ప్యాలెస్ మన్నత్. కాగా ఈ ప్యాలెస్ ప్రస్తుతం కొత్త అందాలను సంతరించుకుంది. ఇంటి గేట్‌కు వజ్రాలతో పొదిగిన నేమ్‌ప్లేట్‌ను అమర్చారు. దీంతో కలల సౌధం మరింత ఆకర్షణీయంగా కనిపిస్తోంది. షారుఖ్ ఈ ఏడాది ఏప్రిల్‌లో దాదాపు రూ.35లక్షలు ఖర్చు చేసి వజ్రాలు పొదిగిన నేమ్‌ప్లేట్‌ను తయారుచేయించారు. వజ్రాలతో ఉండే ప్లేట్‌పై ‘మన్నత్’ అని రాసి ఉంటుంది. దీనిని ఇంటి ముందు అమర్చారు.
ఆ తర్వాత కొద్దిరోజులకు అందులోని ఓ వజ్రం కనిపించకుండా పోయింది. దీంతో దాన్ని తొలగించారు. ప్రస్తుతం ఆ వజ్రం దొరకడంతో తిరిగి అమర్చారు. రాత్రిపూట ఆ వజ్రాలు మెరుస్తూ ఆ ఇంటికి మరింత అందాన్ని తీసుకొచ్చాయి. వజ్రాల నేమ్ ప్లేట్‌ని చూసేందుకు మరోసారి ప్రజలు మన్నత్ ముందు క్యూ కడుతున్నారు. అక్కడ ఫొటోలు దిగుతూ సందడి చేస్తున్నారు. ప్రస్తుతం షారుఖ్ ఇంటి వజ్రాల నేమ్ ప్లేట్ ఫొటోలు సోషల్ మీడియాలో వైరల్ అవుతున్నాయి.