ఆంధ్ర‌ప్ర‌భ స్మార్ట్‌, న్యూ ఢిల్లీ: ఉత్తరాఖండ్‌లో ఘోర ప్రమాదం సంభవించింది. ప్రయాణికులతో వెళ్తున్న బస్సు అదుపు తప్పి లోయలోకి పడిపోయింది. ఈ ఘటనలో 20 మంది ప్రాణాలు కోల్పోగా.. అనేక మంది గాయపడ్డారు. అల్మోరా జిల్లాలో సోమవారం ఉదయం ఈ ఘటన చోటు చేసుకుంది. ప్రమాద సమయంలో బస్సులో 40 మంది ప్రయాణికులు ఉన్నట్లు సమాచారం.
కొన‌సాగుతున్న సహాయక చర్యలు
ప్రమాదవశాత్తు బస్సు అదుపుతప్పి లోతైన లోయలో పడిపోయింది. సమాచారం అందుకున్న పోలీసులు, జిల్లా యంత్రాంగం ఘటనాస్థలికి చేరుకొని సహాయక చర్యలు చేపట్టారు. బస్సులో చిక్కుకుపోయిన వారిని సురక్షితంగా బయటకుతీసి ఆసుపత్రికి తరలించారు. మరోవైపు ఈ ఘటనపై ఉత్తరాఖండ్‌ సీఎం పుష్కర్‌ సింగ్‌ దామి స్పందించారు. ప్రమాదంపై తీవ్ర విచారం వ్యక్తం చేశారు. ఘటనాస్థలి వద్ద సహాయక చర్యలు చేపట్టినట్లు వెల్లడించారు.