యుపి లో నేటి తెల్ల‌వారు ఝామున గుడిసెలో నిద్రిస్తున్నవారిపైకి అకస్మాత్తుగా ఇసుక లోడుతో కూడిన ట్రక్కు దూసుకు వెళ్లింది.. ఈ ఘటనలో ఎనిమిదిమంది అక్కడికక్కడే మృతి చెందారు. హర్దోరు జిల్లాలో భల్లా కంజాద్‌ అనే వ్యక్తి తన కుటుంబంతో కలిసి మల్వాన్‌ పట్టణంలో రోడ్డు పక్కగా ఒక గుడిసెలో నివసిస్తున్నాడు. గంగానది ఒడ్డు నుంచి ఇసుకను తీసుకువస్తున్న ట్రక్కు మెహందీఘాట్‌, కన్నౌజ్‌ నుంచి హర్దోరుకు వెళుతున్న క్రమంలో అదుపుతప్పి రోడ్డు పక్కన నివసిస్తున్న గుడిసెలోకి దూసుకెళ్లి బోల్తాపడింది. ఈ ఘోర ప్రమాదంలో ముగ్గురు చిన్నారులు సహా ఎనిమిది మంది మృతి చెందారు. కుటుంబ సభ్యులంతా ఇసుకలో కూరుకుపోయారు. ఈ ఘటనను గమనించిన స్థానికులు పోలీసులకు సమాచారం అందించారు. దీంతో వారు ఘటనా స్థలానికి చేరుకుని సహాయక చర్యలు చేపట్టారు. ఘటనపై పోలీసులు కేసు నమోదు చేసి దర్యాప్తు చేపట్టారు.
- Advertisement -