హీరో నంద‌మూరి బాల‌కృష్ణ అన్ స్టాపబుల్ షోతో అద‌ర‌గొట్టి మ‌రింత‌గా ఫ్యాన్స్ ని సంపాదించుకున్నారు. కాగా ఇప్పుడు అన్ స్టాపబుల్ సీజన్ 2కు సంబంధించి తెలుగు ఓటీటీ ఆహా ఓ సాలిడ్‌ అప్‌డేట్‌ను ఇచ్చింది. అన్స్టాపబుల్ యాంథమ్ను విడుదల చేసింది. ఇది అభిమానులను ఉర్రూతలూగిస్తోంది. ఈ పాటను ర్యాపర్ రోల్రైడా ఆలపించగా, యువ సంగీత దర్శకుడు మహతి స్వరసాగర్ స్వరాలు సమకూర్చారు. 3.39 నిమిషాలు నిడివి ఉన్న ఈ సాంగ్.. ‘ఏదైనా నేను దిగనంత వరకే, వన్స్ ఐ స్టెప్ ఇన్ హిస్టరీ రిపీట్’ అంటూ బాలయ్య డైలాగ్తో ప్రారంభమైంది. ‘తను ఎంట్రీ ఇస్తే కంట్రీ అంతా ఊగేనంటా.. డైలాగ్ వదిలితే మోగి పోద్ది బాడీ అంతా’ అంటూ ఆయన గత సినిమా పేర్లు, డైలాగ్లు కలగలపి ఈ పాటను రూపొందించారు. వీడియోలో.. తొలి సీజన్లో సెలబ్రిటీ కంటెస్టెంట్లతో బాలయ్య సందడి చేసిన సన్నివేశాలు, మేకింగ్ వీడియోలను చూపించడం ఆకట్టుకుంటోంది.
