TSPSC – జూన్ 11న గ్రూప్ 1 ప్రిలిమ్స్ పరీక్ష..

హైదరాబాద్ – తెలంగాణ రాష్ట్ర పబ్లిక్ సర్వీస్ కమిషన్ గ్రూప్ I ప్రిలిమ్స్ పరీక్షను OMR ఆధారిత ఆఫ్‌లైన్ ఫార్మాట్‌లో జూన్ 11 నిర్వహించనున్నట్లు ప్రకటించింది. రాష్ట్రంలోని 503 గ్రూప్ I పోస్టుల ల‌కు గ‌త అక్టోబర్ 16 జరిగిన పరీక్ష కోసం మొత్తం 3,80,081 మంది అభ్యర్థులు తమ దరఖాస్తులను సమర్పించారు. ఈ అభ్యర్థులలో 2,85,916 మంది పరీక్షకు హాజరయ్యారు. మెయిన్స్‌కు అర్హత సాధించిన 25,050 మంది అభ్యర్థులను ఎంపిక చేసింది.
అయితే ప్రశ్నపత్రం లీక్‌ వ్యవహారం వెలుగులోకి రావడంతో పెద్ద ఎదురుదెబ్బ తగిలింది. ఫలితంగా, గ్రూప్ I ప్రిలిమ్స్‌తో సహా అన్ని పరీక్షలు రద్దు చేశారు. రీషెడ్యూల్ చేసిన పరీక్షలకు కమిషన్ తాజా తేదీలను ప్రకటించింది. పరీక్ష‌ల‌ను ఎటువంటి వివాదాల‌కు తావు లేకుండా కమిషన్ అసిస్టెంట్ కంట్రోలర్ ఆఫ్ ఎగ్జామినేషన్‌గా బీఎం సంతోష్‌ను, పరీక్షల అదనపు కార్యదర్శి కంట్రోలర్‌గా ఎన్‌ జగదీశ్వర్‌ను నియమించింది. అంతేకాకుండా, కమిషన్ పనితీరును బలోపేతం చేయడానికి అదనపు పోస్టులలో ఉద్యోగాల‌తో భ‌ర్తీ చేశారు…