వెకేషన్ కోసం విదేశాలకి వెళ్లిన త్రిష.. కాలికి గాయం

వెకేషన్ కోసం విదేశాలకి వెళ్లింది హీరోయిన్ త్రిష. కాగా ఈ టూర్‌లో అనుకోకుండా ఓ ప్రమాదం జరిగింది. ఈ ప్రమాదంలో త్రిష కాలికి గాయమయింది. దీంతో వెకేషన్‌ ను క్యాన్సిల్‌ చేసుకుని వెంటనే ఇండియాకు తిరిగొచ్చింది. ఈ విషయాన్ని త్రిష సోషల్‌ మీడియా వేదికగా అభిమానులతో పంచుకుంది. కాలికి పట్టి వేసి ఉన్న ఫొటోని ఇన్‌స్టాగ్రామ్‌లో షేర్‌ చేసిన త్రిష.. ‘ప్రమాదం కారణంగా వెకేషన్‌ మధ్యలోనే రావాల్సి వచ్చింది’ అని పేర్కొంది. ఈ ఫొటో ప్రస్తుతం సోషల్‌ మీడియాలో వైరల్‌గా మారింది. ఆమె త్వరగా కోలుకోవాలంటూ అభిమానులు, నెటిజన్లు పోస్టులు పెడుతున్నారు. ఇక సినిమాల విషయానికొస్తే.. ప్రస్తుతం ఆమె పొన్నియన్‌ సెల్వన్‌ పార్ట్‌ -2లోనూ నటిస్తోంది. దీంతో పాటు సతురంగ వెట్టై పార్ట్‌ 2, ది రోడ్‌ (తమిళ్‌), రామ్ (మలయాళం) సినిమాలు చేస్తోంది.