క‌న్న‌డ సినీ ప‌రిశ్ర‌మ‌లో విషాదం – ప్ర‌ముఖ నిర్మాత మృతి

వాకింగ్ అని వెళ్లిన క‌న్న‌డ నిర్మాత అనేక‌ల్ బాల‌రాజ్ రోడ్డు దాటుతుండ‌గా ఓ వాహ‌నం ఢీ కొట్టింది. దాంతో ఆయ‌న ఆసుప‌త్రిలో చికిత్స పొందుతూ మృతి చెందారు. బెంగళూరు జేపీ నగరంలో ఆయ‌న నివాసం వద్ద బాలరాజ్‌ వాకింగ్‌ చేసేందుకు బాల్‌రాజ్‌ తన కారును రోడ్డు పక్కన ఆపి దాటబోతున్నారు. అంతలో ఆయనను ఓ వాహనం ఢీకొట్టింది. ఈ ప్రమాదంలో బాలరాజ్‌ తలకి తీవ్ర గాయాలయ్యాయి. వెంటనే సమీపంలోని ఓ ప్రైవేట్‌ ఆస్పత్రికి తరలించగా, ఉదయం 10 గంటలకు మృతి చెందారు. 2003లో దర్శన్ కమర్షియల్‌ హిట్‌గా నిలిచిన చిత్రం ‘కరియా’తో సహా ఆరు కన్నడ చిత్రాలను నిర్మించారు. ఆయన తన కొడుకు సంతోష్ బాల్‌రాజ్‌ని 2009లో విడుదల చేసిన తన చిత్రం ‘కెంప’లో ప్రధాన నటుడిగా పరిచయం చేశారు. ఆయ‌న మ‌ర‌ణంతో కుటుంబంతో పాటు క‌న్న‌డ సినీ ప‌రిశ్ర‌మంలో విషాదం నెల‌కొంది.