కేర‌ళ ప‌ర్య‌ట‌న‌లో మోడీ హ‌త్య‌కు కుట్ర … బెదిరింపు లేఖ‌

తిరువ‌నంత‌పురం – సోమ‌వారం నాడు కేరళ పర్యటన చేయ‌నున్న ప్రధాని నరేంద్ర మోడీపై దాడి జరుగుతుందని హెచ్చరిస్తూ కేరళ బీజేపీ చీఫ్ కే సురేంద్రన్‌కు బెదిరింపు లేఖ వచ్చింది. ఈ లేఖ‌లో గ‌తంలో మాజీ ప్ర‌ధాని,దివంగ‌త నేత రాజీవ్ గాంధీ మీద జ‌రిగిన త‌ర‌హాలోనే మోడీపై చేస్తామ‌ని హెచ్చ‌రించారు… వెంట‌నే అలెర్ట్ అయిన పోలీసులు లేఖలో ఉన్న చిరునామా ఆధారంగా లేటర్ రాసిన వ్యక్తి కొచ్చికి చెందిన ఎన్‌కె జానీగా గుర్తించారు. పోలీసులు అతని ఇంటికి వెళ్లి లేఖ గురించి ప్రశ్నించారు. కొచ్చికి చెందిన జానీ, లేఖ రచయిత అని కొట్టిపారేశాడు, అయితే తన పట్ల పగతో ఉన్న ఎవరైనా హత్య బెదిరింపుకు కారణమై ఉండవచ్చని పేర్కొన్నారు. అయితే, ఆ లేఖ తాను రాయలేదని జానీ తెలిపాడు. అయితే తన పట్ల పగతో ఉన్న ఎవరైనా ఈ బెదిరింపు లేఖ రాసిఉంటారని అభిప్రాయపడ్డారు. పోలీసులు తన చేతివ్రాతను లేఖతో పోల్చారని, అది రాసింది తాను కాదని నిర్ధారించారని జానీ పేర్కొన్నాడు. తన పట్ల శత్రుత్వం కలిగి ఉన్న వ్యక్తి ఈ బెదిరింపుకు కారణమై ఉండవచ్చని చెప్పాడు. తాను అనుమానిస్తున్న వ్యక్తుల పేర్లను వెల్లడించాడు. కాగా, సోమవారం నుంచి రెండు రోజుల పాటు కేరళలో ప్రధాని మోడీ పర్యటించనున్నారు. కేరళ తొలి వందే భారత్ ఎక్స్‌ప్రెస్ రైలును ప్రధాని జెండా ఊపి, కొచ్చి వాటర్ మెట్రోను ప్రారంభిస్తారు.