ఉత్తరప్రదేశ్‌లోని పిలిభిత్‌లో నేటి తెల్లవారుజామున భారీ ఎన్‌కౌంటర్ జరిగింది. ఈ ఘటనలో ముగ్గురు పాక్ ప్రాయోజిత ఖలిస్తాన్ జిందాబాద్ ఫోర్స్ టెర్రరిస్టులు ఈ కాల్పుల్లో ముగ్గురు చనిపోయినట్లు సమాచారం. అనుమానాస్పద వస్తువులతో వారు పురానాపుర్‌ ఏరియాలో సంచరిస్తున్నట్లు సమాచారం వచ్చింది. ఈ క్రమంలోనే లపై యూపీ- పంజాబ్ పోలీసుల సంయుక్తంగా కలిసి ఈ ఆపరేషన్ నిర్వహించారు.
ముందుగా ఈ ప్రాంతంలో ఉగ్ర‌వాదులు ఉన్న‌ట్లు గుర్తించిన పోలీసులు ఇంటింటి సోదాలు చేప‌ట్టారు. ఈ సంద‌ర్భంగానే ఇరు వర్గాల మధ్య కాల్పులు జరిగాయి. ఈ కాల్పుల్లో చనిపోయిన గుర్‌విందర్ సింగ్ (25), వీరేందర్ సింగ్ అలియాస్ రవి (23), జస్‌ప్రీత్ సింగ్ అలియాస్ ప్రతాప్ సింగ్ (18)గా పోలీసులు గుర్తించారు. వీరంతా గురుదాస్‌పూర్‌లో నివసిస్తున్నారని పేర్కొన్నారు. అలాగే, నిందితుల నుంచి ఏకే-47 రైఫిళ్లు, రెండు గ్లోక్ పిస్టల్స్, భారీ మందుగుండు సామాగ్రిని పోలీసులు స్వాధీనం చేసుకున్నారు.
కాగా, నిందితులు పంజాబ్ లోని ప‌లు ప్రాంతాల‌లో హింసాత్మ‌క ఘ‌ట‌న‌ల‌కు పాల్ప‌డ్డారు.. వారి కోసం పోలీసులు వెతుకుతున్న క్రమంలోనే వారు యుపికి పారిపోయారు. అక్క‌డి పోలీసుల‌కు పంజాబ్ పోలీసులు సమాచారం ఇవ్వ‌డంతో సోదాలు చేప‌ట్టారు .. ఈ క్రమంలోనే ఎన్ కౌంట‌ర్ చోటు చేసుకుంది.