కర్నాటక రాష్ట్రంలో ఘోరం జరిగింది. రాయచూర్ జిల్లాలో కలుషిత నీరు తాగి ముగ్గురు చనిపోయారు. ఈ నేపథ్యంలో ఆ రాష్ట్ర ముఖ్యమంత్రి బసవరాజ్ బొమ్మై సోమవారం విచారణకు ఆదేశించారు. మృతుల కుటుంబానికి ఒక్కొక్కరికి ఐదు లక్షల రూపాయల చొప్పున పరిహారం ప్రకటించారు. రాయచూర్‌లో కలుషిత నీరు తాగి పిల్లలతో సహా చాలామంది ఆస్పత్రి పాలయ్యారు.
“రాయిచూర్‌లో కలుషిత నీరు తాగడం వల్ల సంభవించిన మరణాలను ప్రభుత్వం సీరియస్‌గా తీసుకుంది. కారణాలపై సమగ్ర విచారణ జరపాలని కర్నాటక నీటి సరఫరా, మురుగునీటి బోర్డు చీఫ్ ఇంజనీర్‌ను కోరాను. వర్షం కారణంగా దెబ్బతిన్న పైప్‌లైన్‌పై కొందరు ఆరోపిస్తున్నారు. మేము టెక్నికల్ రిపోర్ట్ పొందుతున్నాము” అని బొమ్మై చెప్పారు. రాయచూరు నగరంలోని అన్ని వార్డుల నమూనాలను పరీక్షించి తాగునీటి భద్రతకు సంబంధించి ధ్రువీకరణ పత్రాన్ని పొందాలని జిల్లా డిప్యూటీ కమిషనర్‌ను కోరినట్లు తెలిపారు.
“డివైఎస్‌పి (డిప్యూటీ సూపరింటెండెంట్ ఆఫ్ పోలీస్) నేతృత్వంలోని బృందం ద్వారా పోలీసు విచారణ కూడా జరుగుతోంది. సాంకేతిక మద్దతుతో అధికారులు ఏవైనా లోపాలుంటే.. దోషులపై చర్యలు తీసుకుంటారు” అని ఆయన చెప్పారు. మృతుల కుటుంబానికి సీఎం సహాయ నిధి కింద ఐదు లక్షల రూపాయల నష్టపరిహారాన్ని కూడా బొమ్మై ప్రకటించారు.
లోక‌ల్ టు గ్లోబ‌ల్.. ప్రభన్యూస్ కోసం ఫేస్‌బుక్‌, ట్విట‌ర్, టెలిగ్రామ్ పేజీల‌ను ఫాలో అవ్వండి.