స్టార్ డైరెక్ట‌ర్ కృష్ణవంశీ తెర‌కెక్కిస్తోన్న తాజా చిత్రం రంగ‌మార్తాండ.ఇది ఒక రంగస్థల నటుడి చుట్టూ తిరిగే కథ. ప్రకాశ్ రాజ్ .. రమ్యకృష్ణ .. బ్రహ్మానందం ప్రధానమైన పాత్రలను పోషించారు. కాలెపు మధు – వెంకట్ రెడ్డి కలిసి నిర్మించిన ఈ సినిమాకి, ఇళయరాజా సంగీతాన్ని సమకూర్చారు. ఈ చిత్రం కోసం త‌న చివ‌రి రోజుల్లో సిరివెన్నెల రంగ‌మార్తాండ చిత్రంకోసం పువ్వై విరిసే ప్రాణం .. పండై మురిసే ప్రాయం అనే పాట‌ని రాశారు.ఈ పాటను స్టార్ మ్యూజిక్ డైరెక్ట‌ర్ ఇళయరాజా స్వ‌యంగా ఆలపించారు.కొన్ని రోజుల క్రితం ఈ సినిమా నుంచి ‘పువ్వై విరిసే ప్రాణం .. పండై మురిసే ప్రాయం’ అనే పాటలోని కొంతభాగాన్ని రిలీజ్ చేశారు. ఆ పాటను ఇప్పుడు పూర్తి స్థాయిలో రిలీజ్ చేశారు. ఈ సినిమాలోని ఒక పాత్ర అనుభవంగా కాకుండా, ప్రతి మనిషి జీవితంలోకి ఈ పాట తొంగి చూస్తుంది. ఇది ఒక పాటగానే కాదు .. జీవితసత్యాలను ఏరి కట్టిన మూటలా అనిపిస్తుంది. కృష్ణవంశీ దర్శకత్వంలో ‘రంగ మార్తాండ’ రూపొందింది.
