కోలీవుడ్ నటుడు కార్తీ ప్రస్తుతం తన అప్ క‌మింగ్ జపాన్ మూవీ షూటింగ్‌లో బిజీగా ఉన్నాడు. ఈ దీపావళికి థియేటర్లలో రిలీజ్ కానుంది ఈ మూవీ. తాజాగా ఆయన తదుపరి ప్రాజెక్ట్ గురించి సోషల్ మీడియాలో ఓ ఆసక్తికర బజ్ చక్కర్లు కొడుతోంది. లింగుసామి దర్శకత్వం వహించిన సినిమా.. 2010 సూపర్ హిట్ అయిన ఆవారాకు సీక్వెల్ రానున్న‌ట్టు తెలుస్తోంది. ఆవారా2లో కార్తీ తన పాత్రను మళ్లీ పోషించే అవకాశం ఉందని తెలుస్తోంది.
తాజా నివేదికల ప్రకారం.. స్టూడియో గ్రీన్ బ్యానర్ ఈ ప్రాజెక్ట్‌ను బ్యాంక్రోల్ చేయడానికి ఆసక్తిగా ఉందని తెలుస్తోంది. కార్తీ కథానాయకుడిగా సీక్వెల్ తెరపైకి వస్తే, అది నటుడి అభిమానులకు సంచలన వార్త అవుతుంది. కార్తీకి ఇప్పటికే మరో సీక్వెల్ ఖైదీ 2 ఉంది. ఈ మూవీ షూటింగ్ 2024 లో ప్రారంభం కానుంది.