TG | ఢిల్లీకి బ‌య‌లుదేరిన సీఎం రేవంత్ రెడ్డీ..

హైదరాబాద్‌ : తెలంగాణ సీఎం రేవంత్ రెడ్డి హ‌స్తిన‌కు పయనమయ్యారు. రేపు (శ‌నివారం) రోజున ఢిల్లీలో జ‌ర‌గ‌బోయే కాంగ్రెస్ పార్టీ వ‌ర్కింగ్ క‌మిటీ (సీడ‌బ్ల్యూసీ) స‌మావేశంలో రేవంత్ రెడ్డి పాల్గొన‌నున్నారు. సీఎం రేవంత్ వెంట రాష్ట్ర ఎంపీలతో పాటు ఏఐసీసీ సీనియర్‌ నేతలు, సీడబ్ల్యూసీ ప్రత్యేక ఆహ్వానితులు దామోదర రాజనర్సింహ, చల్లా వంశీచంద్‌రెడ్డి తదితరులున్నారు. ఇక‌ తెలంగాణ‌లో 8 లోక్ సభ స్థానాల్లో కాంగ్రెస్ అభ్యర్థులు గెలుపొందిన నేపథ్యంలో.. రేవంత్ రెడ్డి ఢిల్లీ పర్యటనపై ప్రాధాన్యత సంతరించుకుంది. ఈ సమావేశంలో పార్టీ వ్యూహం, ఎజెండా ముందుకు సాగడం వంటి కీలక అంశాలపై చర్చించే అవకాశం ఉంది.