జనవరి 13న ప్రయాగ్‌రాజ్‌లో ప్రారంభమైన మహాకుంభమేళాలో 12 లక్షల తాత్కాలిక ఉద్యోగాల సృష్టి జరిగిందని గ్లోబల్‌ టెక్నాలజీస్‌ అండ్‌ డిజిటల్‌ టాలెంట్‌ సొల్యూషన్స్‌ ప్రొవైడర్‌ ఎన్‌ఎల్‌బీ సర్వీసెస్‌ అంచనా వేసింది. వివిధ రంగాల నుంచి సేకరించిన సమాచారం ఆధారంగా ఈ సంస్థ ఈసీవో సచిన్‌ అలగ్‌ ఈ మేరకు గణాంకాలు విడుదల చేశారు.
సుప్రసిద్ధ ఆధ్యాత్మిక కార్యక్రమంతో ఉత్తరప్రదేశ్‌లో ఆర్థికవృద్ధి, తాత్కాలిక ఉపాధి కకల్పన జరుగుతుందని సచిన్‌ అభిప్రాయపడ్డారు. ఈ ప్రభావం పలు రంగాలపై కనిపిస్తుందన్నారు. పర్యాటక, ఆతిథ్య రంగాల్లోనే దాదాపు 4.5 లక్షల మందికి ఉపాధి లభించివుండొచ్చని పేర్కొన్నారు.
హోటల్‌, టూర్‌ గైడ్‌, పోర్టర్లు, ట్రావెల్‌ కన్సల్టెంట్లు, ఈవెంట్‌ కోఆర్డినేటర్లుగా అనేక మందికి ఉపాధి లభిస్తున్నదని చెప్పారు. రవాణా అనుబంధ రంగాల్లో 3 లక్షల మందికి, తాత్కాలిక వైద్య శిబిరలాలో 1.5 లక్షల మందికి అవకాశాలు లభించాయని పేర్కొన్నారు. అదే సమయంలో 2 లక్షల మంది ఐటీరంగ నిపుణుల సేవలు మహాకుంభ మేళాలో అవసరం అవుతున్నాయని తెలిపారు.