వైరల్: మహేష్‌బాబు డైలాగులతో తెలంగాణ పోలీసుల వీడియో

తెలంగాణలో కరోనా కేసులు రోజురోజుకూ పెరిగిపోతున్న వేళ, మాస్క్ ధరించడం, భౌతిక దూరం పాటించడంపై రాష్ట్ర పోలీసులు వినూత్న ప్రచారాన్ని ప్రారంభించారు. మాస్క్ ధరించి ఉన్న టాలీవుడ్ ప్రిన్స్ మహేష్‌బాబు ఫోటోను పోస్ట్ చేస్తూ, ఓ వీడియోను విడుదల చేశారు. మాస్కుల ప్రాధాన్యతను వివరించేలా ఉన్న ఈ వీడియో ఇప్పుడు వైరల్ అవుతోంది. “జీవితం అనేది ఓ యుద్ధం. దేవుడు మనల్ని వార్ జోన్‌లో పడేశాడు. అప్రమత్తంగా ఉండండి. మిమ్మల్ని మీరు రక్షించుకోండి” అంటూ మహేష్ డైలాగులు కూడా ఇందులో వినిపిస్తున్నాయి. ఈ వీడియోను మీరు కూడా చూడవచ్చు.