చాలా రాజ్యాలు చూశాం.. రాజన్నరాజ్యాలు అక్కర్లే: పువ్వాడ

షర్మిల పార్టీపై మంత్రి పువ్వాడ అజయ్ కుమార్ సంచలన వ్యాఖ్యలు చేశారు. ఖమ్మం జిల్లా ప్రజలు అన్ని రాజ్యాలు చూశారని ..అన్ని రాజ్యాలు చూసాకే తెలంగాణ వచ్చిందని ఆసక్తికర వ్యాఖ్యలు చేశారు. ఆ రాజ్యాల్లో తెలంగాణ కు ఏమి లాభం చేకూరలేదని అన్నారు. తెలంగాణకు ఎంత అన్యాయం జరిగిందో తెలంగాణ వచ్చాక తెలిసిందన్నారు. ఆ రాజ్యాలు, రాజులు ఏమయ్యారో కూడా అందరికి తెలుసన్నారు. ఇక్కడి ప్రజలు ఆ ఉచ్చులో పడరని ఒకవేళ చిన్న స్థాయిలో ఎవరైనా వెళితే వెళ్లొచ్చు..వారి వల్ల మా పార్టీకి ఎలాంటి నష్టం ఉండదని అన్నారు. ఇక షర్మిల పార్టీ అనౌన్స్ చేసినప్పటి నుంచి కూడా తెలంగాణలో రాజకీయ దుమారం లేచిన సంగతి తెలిసిందే.